Қорақалпоғистон Республикасинг Хўжайли, Тахиатош ва Қораўзак туманларида давлат ва нодавлат мактабгача таълим ташкилотлари фаолияти вақтинча тўхтатилди.
Бу борада 15 июль куни туман ҳокимларининг тегишли қарорлари қабул қилинган. Унда 16—18 июль кунлари ҳаво ҳароратининг 40 даражадан ошиши сабабли, иссиқ ҳароратнинг болалар саломатлигига салбий таъсирини олдини олиш мақсадида туман ҳудудидаги барча давлат ва нодавлат мактабгача таълим ташкилотлари иш фоалияти вақтинча тўхтатилиши белгиланган.
Мактабгача ва мактаб таълими вазирлиг буни тасдиқлаб, юқоридаги туманлардаги боғчалар болаларнинг соғлиғига салбий таъсирларнинг олдини олиш мақсадида Санитария, эпидемиология осойишталиги ва жамоат саломатлиги қоидалари ва меъёрлари талабларига риоя қилган ҳолда 3 кунга — 18 июлгача тўхтатганини маълум қилди.
“Ўзгидромет” ҳафтанинг иккинчи ярмида иссиқ кучайишини прогноз қилганди. 17—19 июль кунлари Ўзбекистон ҳудудига жанубдан жуда иссиқ ҳаво оқимлари кириб келиши кутилмоқда.
Изоҳ (0)