“Ўзгидромет” июлда энг иссиқ ҳаво кузатиладиган кунларни эълон қилди

“Ўзгидромет”  2 июлдан бошлаб жанубдан жуда иссиқ ҳаво массалари кириб келиши, иссиқ ҳарорат аста-секин кўтарилишини маълум қилди.

Қайд этилишича, республика шимолида 2 ва 3 июль кунлари, чўл ҳудудларда 3 ва 4 июль кунлари, республиканинг қолган ҳудудларида 4 июлда ва баъзи жойларда 5 июлда энг иссиқ кунлар кузатилади. Ушбу кунларда ҳудуднинг катта қисмида ҳаво ҳарорати 40-43 даражагача, жанубда ва чўл ҳудудларда баъзи жойларда 44-46 даражагача кўтарилади.

“Аҳолидан Соғлиқни сақлаш ва Фавқулодда вазиятлар вазирлиги томонидан тақдим этиб борилаётган жазирама кунлари амал қилиниши керак бўлган ҳамда иссиқ уришидан сақланиш бўйича тавсияларга амал қилишларини сўраймиз”, деди Гидрометеорологик таъминот бошқармаси бошлиғи Азимжон Нарзуллаев.

Республика бўйича шамол тезлиги 13-18 метр/секундгача, 3—5 июлда айрим жойларда баъзида 20-25 метр/секундгача кучайиши, чанг-тўзон билан кузатилиши мумкин.

Прогнозларга кўра, 5 июль куни республиканинг ғарбий ярими бўйича, 5 июлда барча ҳудудлар бўйича ҳарорат 4-6 даражага пасаяди. Бироқ июль ойида салқин ҳавони кутмаслик керак. 

Июль ойи Ўзбекистоннинг шимолий ҳудудларида 2018 йил, жанубда эса 2021 йил энг иссиқ июль ойи бўлган. Ўша июль ойида максимал ҳаво ҳарорати 41-43 даражага, шимолда, жанубда ва чўл ҳудудларда 44-45 даражага етган. Қорақалпоғистон Республикаси, Хоразм ва Навоий вилоятларида баъзи жойларда ҳаво ҳароратининг тарихий максимуми 46-48 даража қайд этилган.

Ўзбекистонда 3 июлда кутилаётган об-ҳаво

Тошкент шаҳрида ҳаво бир оз булутли бўлади, ёғингарчилик кутилмайди. Шамол шарқдан 3-8 метр/секунд тезликда эсади. Ҳарорат кечаси 23-25 даража, кундузи 39-41 даража бўлади.

Қорақалпоғистон Республикаси, Хоразм вилоятида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучаяди, айрим жойларда баъзида 20-25 метр/секундгача кучайиши, чанг-тўзон билан кузатилиши мумкин. Ҳарорат кечаси 20-25 даража, кундузи 37-42 даража бўлади.

Бухоро ва Навоий вилоятларида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши, чанг-тўзон билан кузатилиши мумкин. Ҳарорат кечаси 25-30 даража, кундузи 41-46 даража бўлади.

Тошкент, Сирдарё, Жиззах ва Самарқанд вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши, чанг-тўзон билан кузатилиши мумкин. Ҳарорат кечаси 22-27 даража, кундузи 38-43 даража бўлади.

Қашқадарё ва Сурхондарё вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши, чанг-тўзон билан кузатилиши мумкин. Ҳарорат кечаси 25-30 даража, кундузи 41-46 даража бўлади.

Андижон, Наманган ва Фарғона вилоятларида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши, чанг-тўзон билан кузатилиши мумкин. Ҳарорат кечаси 20-25 даража, кундузи 35-40 даража бўлади.

Республиканинг тоғолди ва тоғли ҳудудларида ҳаво бир оз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкин. Ҳарорат кечаси 15-20 даража, кундузи 28-33 даража бўлади.