Ҳаётдаги аксарият муаммоларни ҳал қиладиган 20 та одат

Ҳар куни ҳаётимизда кичик ва катта муаммоларга дуч келамиз. Улар ҳаётнинг турли босқичларида пайдо бўлади ва кўпинча бир нечта соғлиқ, молия, муносабатлар, иш, мартаба ҳамда мақсадлар каби бир нечта тоифаларга бўлинади. Аммо ҳеч қандай қийинчилик шахсий ўсишимизни тўхтатмаслиги керак. Атрофдаги ҳамма нарса вайрон бўлса ҳам, ўзгаришларга мослашишни ва олдинга интилишни ўрганиш муҳим. Мана бунда сизга қандай одатлар ёрдам беради?

1. Ҳеч бўлмаганда ойига бир марта муаммолар рўйхатини тузиш. Бу олдимизда пайдо бўлган тўсиқларни кузатиш ва айланиб ўтиш йўлларини топишнинг энг яхши усулидир.
2. Муаммоларнинг даражасига қараб ўринларга бўлиш. Уларнинг ҳар бири ҳақиқатан ҳам муҳим ва долзарб эмас, баъзилари шунчаки шундай кўринади. Муаммоларни муҳимлик даражаси бўйича ёзинг ва уларни навбатма-навбат ҳал қилиш учун рўйхатдан фойдаланинг.
3. Фикрлашни машқ қилиш. Муаммоларни ҳал қилиш ақлнинг барқарорлигига боғлиқ. Бугунги муаммолар бизни эртанги қийинчиликларни енгишга тайёрламоқда. Шунинг учун ҳаётий фикрлаш тарзини ривожлантириш муҳимдир. Америкалик ёзувчи Чарльз Свиндолл шундай деган эди: “Ҳаёт 10 фоиз содир бўлаётган воқеалардан ва 90 фоиз биз уларга қандай муносабатда бўлишимиздан иборат”.
4. Пулни тежамоқ. Келажак ҳар доим ноаниқ бўлади. Унга тайёргарлик кўришнинг энг яхши усули — жамғарма қилиш. Масалан, ҳар ой ўзингизга эслатмаслик учун алоҳида банк картасига кичик суммани автоматик ўтказишни ёқинг.
5. Келажакда сизни энг керакли мутахассисга айлантирадиган кўникмаларни ривожлантириш. Доимий тарзда илм ўрганишни одатга айлантиринг ва ҳар ой янги кўникмаларни эгаллашга ҳаракат қилинг. Узоқ вақт эскирмайдиган ва доимо талаб қилинадиган касблар энг яхшисидир.

   

6. “Портфел” карьерасини қуриш. Асосий машғулотингиздан ташқари, “иш портфели”нгиз қўшимча ишларни ҳам ўз ичига олса ва сиз ўз касбий тажрибангизни турли йўллар билан қўлласангиз, масалан, кичик ташқи лойиҳаларни олиш, маслаҳат бериш ёки эксперт сифатида мақолалар ёзиш орқали кўпроқ даромад оласиз.
7. Инвестиция қилиш. Мутахассис билан маслаҳатлашинг ёки ўзингизни кўрсатишга ёрдам берадиган лойиҳаларга сармоя киритинг. Бу келажакда кўпроқ пул ишлаш имкониятини очади.
8. Касбий жиҳатдан ўсиш мумкин бўлган камида иккита соҳани аниқлаш. Яхшиланишингизга ёрдам берадиган китоблар, манбалар ва одамларни топинг.
9. Ишдаги стрессларнинг олдини олиш. Тез-тез танаффус қилинг, вазифаларингиз сонини камайтиринг, жадвалингизни керакcиз ишлардан халос этинг, бир вақтнинг ўзида битта вазифа билан шуғулланинг, қисқа ишлар рўйхатини тузинг ва биоритмларингизни ҳисобга олинг.
10. Дам олмоқ. Танамиз суткасига 24 соат ишлайди. Шунинг учун ҳар доим тўйиб ухлаш, руҳий ва жисмоний жиҳатдан “қайта ишга тушиш” учун вақт топиш жуда муҳимдир. Бу саломатлик билан боғлиқ муаммолардан қочиш, диққатни жамлаш ва ақлий фаолиятни сақлашнинг энг яхши усулларидан биридир.

    

11. Фаол бўлинг. Стрессдан халос бўлиш ва фикрлаш тиниқлигини тиклаш учун ҳар куни 15 дақиқалик очиқ ҳавода сайрни жадвалингизга киритинг.
12. Табиат қўйнида вақт ўтказиш. Бу энергия захираларини тиклашга ёрдам беради, диққатни яхшилайди ва кайфиятни кўтаради.
13. Бирор лаҳзада иштирок этиш. Ҳозирги кунга жалб қилинганлик хавотир ва ташвиш ҳаётимизни эгаллашига йўл қўймайди. Биз оқимда бўлганимизда, бу ерда ва ҳозир нима бўлаётганидан бошқа ҳеч нарса аҳамиятга эга эмас.
14. Қилаётган ҳар бир ишингиз учун аниқ тизимлар яратиш. Агар сиз ҳар куни ёзишни истасангиз, жадвалдан бунинг учун энг яхши вақтни топинг ва атрофдаги муҳитни бу одатни қўллаб-қувватлайдиган тарзда ўзгартиринг, масалан, чиройли дафтар сотиб олинг.
15. Спорт билан мунтазам шуғулланиш. Машғулотларни одатга айлантириш учун уларни бир кунда, бир вақтда ўтказинг. Махсус плейлист яратинг ва умуман олганда, ҳар бир кейинги машғулотни интиқлик билан кутиш учун жараённи иложи борича ёқимли қилинг.
16. Ҳаётни мазмун билан тўлдириш. Оилангиз ва ишингиз билан боғлиқ бўлган, ўзингизни яхши ҳис қилишингизга сабаб бўладиган барча нарсаларни ёзинг. Рўйхатдаги машғулотларга имкон қадар кўпроқ вақт ажратинг.
17. Бир жойда қотиб қолмаслик. Ҳаётдаги ҳамма муаммоларни ҳам ҳал қилиб бўлмайди. Баъзилари, масалан, об-ҳаво, иқтисодиёт, бошқа одамларнинг сўзлари ва хатти-ҳаракатлари билан боғлиқ бўлганлари бизга бўйсунмайди. Улар учун қайғурманг. Ўз фикрларингиз ва одатларингизга ҳамда нимани тузатишингиз мумкинлигига эътибор қаратинг.
18. Муаммоларни ҳал қилишда холисликни сақлаш. Шунга ўхшаш вазифалар билан бир хил йўл тутиш керак, деб ўйламаслик керак. Илгари ишлаган нарса энди ишламаслиги мумкин. Ўтмишда қолиб кетишга йўл қўйманг. Дунёқарашингизни доимий равишда янгилаб боринг ва мавжуд муаммоларга янги ечимлар топиш учун муқобил ёндашувларни излашга одатланинг.

    

19. Ҳаётингиз учун масъулиятни ўз зиммангизга олиш. Муаммолар, тўсиқлар ва муваффақиятсизликлар ҳали дунёнинг охири эмас. Улар билан қандай муомала қилишимиз улар билан қанчалик тез-тез учрашимиздан кўра кўпроқ нарсани англатади.
20. Ўсиш нуқталарини топиш. Ҳар қандай муаммо ривожланиш имкониятини ўз ичига олади. Ҳаётнинг энг катта қийинчиликларини енгиб ўтиш ва кейинги синовга тайёр бўлиш учун ундан фойдаланинг.