Сир эмаски, қироллик оиласи аъзоларига тегиш мумкин эмас. Жисмоний алоқанинг энг юқори даражаси — бу расмий қўл сиқишишдир. Аммо кўпгина машҳурлар учун қироллик протоколи аҳамиятсиз — улар учун қироличага тегиш ҳеч гап эмас.
Брижит Макрон қиролича Камилланинг қўлини ушламоқчи бўлган
Нормандияда иккинчи фронт очилганининг 80 йиллиги муносабати билан ўтказилган тантанали маросимларда мезбон томон — Франция президенти Эммануэл Макрон ва унинг рафиқаси Брижит кечикиб келган — Буюк Британия қироли Чарльз III ва қиролича Камилла 20 дақиқа кутишга мажбур бўлишади. Кейинчалик эса ёдгорликка гулчамбар қўйилгандан сўнг, Брижит ҳатто Камилланинг қўлидан ушлашга уриниб кўради.
Шунчалик ҳаяжонли пайтда биринчи хонимнинг ҳаракати, албатта, тушунарли эди, аммо ноўрин эди. Камилла қироллик вазминлигини сақлаб қолади ва француз биринчи хонимининг ҳаракатига мутлақо эътибор бермайди.
Том Круз Кейт Миддлтонга тегинган
Экранда ақл бовар қилмайдиган трюкларни бажарадиган Голливуд актёри бир марта реал ҳаётда ҳам хавфли ҳаракат қилади — у Кейт Миддлтоннинг қўлидан ушлайди. Том шунчаки Уэлс маликасига 2022 йил май ойида ўзи қатнашган “Топ Ган: Меверик” фильмининг Лондондаги премерасида зинапоядан кўтарилишга ёрдам берган, холос.
Мишел Обама ва Дональд Трамп Елизавета II нинг елкасига қоқиб қўйишган
Сиёсатда Обама ва Трамп рақиб ҳисобланади, чунки улар турли партия вакиллари. Аммо уларнинг беадабликларига марҳума қиролича Елизавета II икки марта чидашга мажбур бўлган.
2009 йилда Букингем саройидаги давлат қабулида ўша пайтдаги АҚШ биринчи хоними Мишел Обама қироличани қучоқлайди. Елизавета II ҳам бунга жавобан Мишелни енгил қучоқлаб қўяди. Шундай бўлса-да, Обаманинг бу ҳаракати бошқаларни ажаблантиради. Мишел ўз ҳаракати “табиий инсоний муносабат” эканлигини таъкидлаб, қироличанинг ўзи шахсий суҳбатда қатъий протоколни “бемаъни нарса” деганини айтади.
2019 йилдаги тантанали зиёфатда Дональд Трамп ҳам қўлини қироличанинг орқасига қўйганида Елизавета I бу ҳаракатга эътибор бермасликка ҳаракат қилади.
Изоҳ (0)