Голливуд юлдузлари орасида мактабда бирга таҳсил олган, бир синфда ўқиган машҳурлар ҳам бор. Уларнинг айримлари мактаб пайтида бир-бири дўстлашиб, ҳозирги кунга қадар бу риштани узмай келмоқда. «Wday» нашри Голливуднинг шу каби машҳур инсонлари ҳақида маълумот берди.
Мэтт Деймон ва Бен Аффлек
Мэтт Деймон ва Бен Аффлек мактабда бирга ўқиб юрган пайтларида бир-бири билан дўст тутинган. Бўлажак актёрлар бир кўчада яшаб, Кембриж Ринж мактабида, кейин эса Бостондаги лотин мактабида ўқиган.
Актёрлар ўқишни тугатгандан сўнг, бир неча йил алоҳида ижод қилди. Уларнинг иккаласи ҳам фильмларда рол ўйнади, аммо машҳурликка эриша олмади. Кейинроқ Аффлек ва Деймон яна бирга бирга ижод қила бошлади. Дўстлар «Ақлли Уилл Ҳантинг» фильми учун сценарий ёзди ва бу фильмда уларнинг ўзи ҳам рол ижро этди. Натижада фильм «Энг яхши сценарий учун'' «Оскар» мукофотини қўлга киритди ва IMDB бўйича 250 та энг яхши фильмлар рўйхатидан жой олди. Бундай ажойиб муваффақият дўстлар учун катта кино олам учун энг яхши йўлланма бўлди.
Шаҳзода Уильям, Эдди Редмейн, Том Ҳиддлстон
Шаҳзода Уильям, Эдди Редмейн ва Том Ҳиддлстон Этон коллежидаги интернат-мактабига борган. Редмейн ва шаҳзода Уильям мактаб регби жамоасида бирга ўйнаган.
«Мен унга бироз ачинардим. Бошқа мактабларнинг барча болалари у билан жанг қилишни хоҳлар эди, шундан кейин улар: ‘Мен шаҳзода Уильям билан жанг қилдим’ — дейишар эди», — дейди «Фантастик махлуқлар» фильми юлдузи.
Мактабдан кейин синфдошларнинг тақдир йўллари ажралиб кетди ва у шаҳзода Уильям Эддининг тўйига таклифнома олмади. Аммо университетдаги дўстлик шаҳзодага меҳрибон турмуш ўртоғини берди, яъни Уильям ва Кейт Миддлтон Сент-Эндрюс университетида ўқиб юрганида танишган.
Эдди Редмейннинг яна бир синфдоши Голливуднинг машҳур актёрларидан бири Том Ҳиддлстон бўлиб, у ҳамкасби билан бирга театрларнинг саҳналаштириш ишларида қатнашган.
Ленни Кравиц, Николас Кейж, Слеш
Бўлажак хонанда, актёр ва гитарачи 1980 йилда нуфузли Беверли-Ҳиллз мактабида бирга ўқиган. Учаласида ҳам битирувчилар йиғилишларида мақтанадиган нарса бор.
Кравиц кетма-кет тўрт йил «Гремми» мукофотини олди ва ҳард-роcкнинг 100 та энг буюк мусиқачиси рўйхатида 93-ўринни эгаллади. Кейж «Лас-Вегасни тарк этиш» фильмидаги роли учун «Оскар» ва «Олтин глобус»ни қўлга киритди. Гунс Н’ Росес гуруҳининг гитарачиси Сал Ҳадсон, яъни Слеш, Голливуднинг Шон-шараф хиёбонида ўз юлдузини ўрнатишга муваффақ бўлган ва Rolling Stone журналининг барча даврларнинг 100 та энг зўр гитарачилари рўйхатидан жой олган.
Никол Кидман ва Наоми Уотц
Никол ва Наоми қарийб 40 йилдан бери дўст. Улар 14 ёшида Сиднейдаги қизлар ўқийдиган ўрта мактабда учрашган.
Қизлар тезда дўстлашиб кетган ва кастингларга бирга борган. Кейинроқ Кидман Голливудга боради ва кино юлдузига айланади. Аммо шон-шуҳрат Наомига кейинроқ, Дэвид Линчнинг «Малҳолланд Драйв» фильмида бош ролни ижро этганидан келди.
Улар бир хил ролларни ижро этишга ҳаракар қилди, лекин рақобат ва ҳасаддан қочишга муваффақ бўлди. Актрисалар бундай дўстлик уларнинг касбида камдан-кам учрашини тан олган.
Нил Патрик Ҳаррис ва Кичкина шаҳзода Фредди
Иккала актёр ҳам Ню-Мексико штатининг шимоли-шарқида жойлашган Албукерке шаҳридаги La Cueva давлат ўрта мактабида ўқиган. Нил Фреддидан уч йил олдин ўқишни тамомлаган.
Нилга шон-шуҳрат Фреддига нисбатан бироз кейинроқ келди, у 2005 йилда «Онанг билан қандай танишдим» сериалида рол ўйнаган.
Леди Гага ва Ник Ҳилтон
Бунга ишониш қийин, лекин Леди Гага Манхэттенда жойлашган Муқаддас юрак монастиридаги қизлар ўқитиладиган Рим-католик мактабига борган. Ҳилтон меҳмонхоналари асосчиси Никки Ҳилтоннинг невараси ҳам шу мактабда таҳсил олган.
Улар бир-бири билан дўстлашмаган. Ёш фарқи ҳам (Ҳилтон Леди Гагадан уч ёш катта) ва турли ижтимоий мақомлар бунга таъсир қилди. Кейинчалик хонанда Ҳилтонни вақти-вақти билан, йўлакда кўрганини тан олган. Шу билан бирга, бўлажак «Оскар» мукофоти совриндори тенгдошларининг масхара қилишига чидаган. Леди Гаганинг онаси қизи мактаб йилларида камситилгани ва масхара қилинганини айтган.
Перис Ҳилтон, Ким Кардашьян, Рашида Жонс ва Никол Ричи
Перис Ҳилтон, Ким Кардашьян, Рашида Жонс ва Никол Ричи Калифорниядаги The Buckly Scholl мактабига борган. Бундан ташқари, Ким, Париж ва Никол бир синфда ўқиган. Актриса Рашида Жонс улардан бироз катта бўлган.
«Улар жуда яхши кўринарди, сочларида жуда кўп боғичлар бор эди», — дейди Рашида Жонс.
Учликдан Рашида Жонс актриса Николни синглисидек кўрган.
Кейинчалик Ричи ва Перис «Оддий ҳаёт» реалити-шоусида суратга тушди ва Ким эса вақтинча Ҳилтоннинг шахсий стилистига айланди. Бундан илҳомланган Кардашьян ҳам тез орада ўзининг оиласи иштирокчи бўлган реалити-шоусини бошлайди.
Бритни Спирс ва Алиша Киз
Иккала қўшиқчи ҳам Нью-Йоркдаги нуфузли Professional Performing Arts Schoolда таҳсил олган. Бундан ташқари, Алиша уч йил ўқув курсларида таҳсил олган.
Лив Тайлер, Кейт Ҳадсон ва Зои Дешанел
Кейт Ҳадсон ва Лив Тайлер машҳур инсонларнинг фарзандлари. Бундан ташқари Кейт ва Лив Калифорния санъат ва фанлар мактабида бирга ўқиган. Актрисалар дўстликни сақлаб қолишга муваффақ бўлди ва ҳатто битта фильмда: Доктор Ти ва аёллар»да рол ўйнади.
Бундан ташқари, актриса Зои Дешанел Кейт ва Лив билан бирга ўқиган. Ҳадсон ва Дешанел ҳатто мактабда намойиш этилган «Дон Кихот» спектаклида бирга ўйнаган. Ўша пайтда Кейт бош қаҳрамоннинг жияни ролини ўйнаган, Зои эса от роли билан кифояланган.
Роберт Паттинсон ва Tom Starриж
Болаликдан дўст бўлган Паттинсон ва Старриж Лондондаги Ҳарродиан мактабида ўқиётган пайтда танишган. Ўша пайтда юлдузлар 12 ёшда бўлган.
Камерон Диас в Снуп Догг
Латофатли Камерон мактабда ўқиб юрган пайтларида ҳам жуда машҳур эди.
Калифорниядаги Лонг-Бич политехника институтида у билан бирга ўрта мактабда ўқиган Снуп Догг: «У замонавий ва зўр эди, ҳар доим жуда сакраб юрарди», — деб эслайди.
Рэпер Камерондан юқори синфда ўқиган. Диаснинг эслашича, мусиқачи ўша пайтда баланд бўйли бўлган.
Рами Малек, Кирстен Данст ва Рейчел Билсон
Бўлажак кино юлдузлари Калифорниядаги Нотр-Дам ўрта мактабида таҳсил олган. Интервьюда «Богемача Рапсодия» фильми юлдузи Кирстен Дунстни севиб қолганини тан олди. Бундан ташқари, улар мусиқали театр синфига бирга борган. Аммо Малек ҳам ўша йили ўрта мактабни битирган бўлса-да, Рейчел Билсон ҳақидаги хотиралар билан ўртоқлашмайди.
Роберт Дауми-мл, Чарли Шин, Шон Пенн ва Роб Лоу
Калифорниядаги Санта Моника мактабида бир вақтнинг ўзида тўртта Голливуд юлдузи таҳсил олган. Бундан ташқари, актёр Чарли Шин ва Шон Пенн билан бирга таҳсил олган.
Бўлажак актёрлар тез-тез йиғилиб, фильмлар қандай суратга олинишини тасаввур қилган. Улар биргаликда фильм ишламаса ҳам, машҳур юлдузларга айланди.
Гвинет Пелтроу ва Керри Вашингтон
Керри Вашингтон ўрта мактабда ўқиб юрган пайтлари мактабнинг энг машҳур ўқувчиси Гвинет Пелтроуни кўрганини тан олди. Керри ўша пайтда бошланғич мактабда ўқиган, Гвинет эса Вашингтон киришни орзу қилган Triple Trio мактаб гуруҳининг президенти эди.
Кино юлдузлар Нью-Йоркдаги Спенcе School хусусий мактабида таҳсил олган. Керри ҳам кейинчалик ўз мақсадига эришди, яъни ва мактабдаги гуруҳининг асосий аъзоларидан бирига айланди.
Баста Раймс ва Жей-Зи
Иккала рэпер ҳам Бруклиндаги Жорж Вестинҳаус карьера ва техник таълим бериладиган ўрта мактабида ўқиган. Баста Раймс кейинчалик уларнинг рақобати бошланганини тан олди. Бир марта улар мактаб ошхонасида реп бўйича жанги ўтказишганини айтган. Бу беллашувда Жей-Зи ғалаба қозонган ва Баста «Мен биринчи марта муҳим жангда мағлуб бўлдим», — деган.
Мавзуга доир:
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Ажойиб суратлар: Анжелина Жоли, Жони Депп, Киану Ривз ва бошқа машҳурлар биринчи ролини ижро этганда қандай кўринишда бўлган?
- Кейт Уинслет, Эмма Уотсон, Жонни Депп ва мухлисларига яхшилик қилиши билан эътиборга тушган бошқа машҳурлар
Изоҳ (0)