Sir emaski, qirollik oilasi a’zolariga tegish mumkin emas. Jismoniy aloqaning eng yuqori darajasi — bu rasmiy qo‘l siqishishdir. Ammo ko‘pgina mashhurlar uchun qirollik protokoli ahamiyatsiz — ular uchun qirolichaga tegish hech gap emas.
Brijit Makron qirolicha Kamillaning qo‘lini ushlamoqchi bo‘lgan
Normandiyada ikkinchi front ochilganining 80 yilligi munosabati bilan o‘tkazilgan tantanali marosimlarda mezbon tomon — Fransiya prezidenti Emmanuel Makron va uning rafiqasi Brijit kechikib kelgan — Buyuk Britaniya qiroli Charlz III va qirolicha Kamilla 20 daqiqa kutishga majbur bo‘lishadi. Keyinchalik esa yodgorlikka gulchambar qo‘yilgandan so‘ng, Brijit hatto Kamillaning qo‘lidan ushlashga urinib ko‘radi.
Shunchalik hayajonli paytda birinchi xonimning harakati, albatta, tushunarli edi, ammo noo‘rin edi. Kamilla qirollik vazminligini saqlab qoladi va fransuz birinchi xonimining harakatiga mutlaqo e’tibor bermaydi.
Tom Kruz Keyt Middltonga tegingan
Ekranda aqlbovar qilmaydigan tryuklarni bajaradigan Gollivud aktyori bir marta real hayotda ham xavfli harakat qiladi — u Keyt Middltonning qo‘lidan ushlaydi. Tom shunchaki Uels malikasiga 2022-yil may oyida o‘zi qatnashgan “Top Gan: Meverik” filmining Londondagi premyerasida zinapoyadan ko‘tarilishga yordam bergan, xolos.
Mishel Obama va Donald Tramp Yelizaveta II ning yelkasiga qoqib qo‘yishgan
Siyosatda Obama va Tramp raqib hisoblanadi, chunki ular turli partiya vakillari. Ammo ularning beadabliklariga marhuma qirolicha Yelizaveta II ikki marta chidashga majbur bo‘lgan.
2009-yilda Bukingem saroyidagi davlat qabulida o‘sha paytdagi AQSh birinchi xonimi Mishel Obama qirolichani quchoqlaydi. Yelizaveta II ham bunga javoban Mishelni yengil quchoqlab qo‘yadi. Shunday bo‘lsa-da, Obamaning bu harakati boshqalarni ajablantiradi. Mishel o‘z harakati “tabiiy insoniy munosabat” ekanligini ta’kidlab, qirolichaning o‘zi shaxsiy suhbatda qat’iy protokolni “bema’ni narsa” deganini aytadi.
2019-yildagi tantanali ziyofatda Donald Tramp ham qo‘lini qirolichaning orqasiga qo‘yganida Yelizaveta I bu harakatga e’tibor bermaslikka harakat qiladi.
Izoh (0)