Пули кўп бўлишига қарамай, ҳамёнбоп брендлардан кийинадиган машҳур аёллар (фото)

Машҳурлар ҳақида гап кетганда нима учундир кўпчилик қимматбаҳо брендларни кўз ўнгига келтиради. Аслида эса уларнинг орасида ҳамёнбоп нархда кийинадиганлари ҳам йўқ эмас. Масалан, аксарият шоу-бизнес вакиллари Испаниянинг Zara брендидан кийинишни афзал билади. Қироллик оиласи вакиллари ва юлдузларидан айримлари эса Inditex Group компаниясининг кийим-кечакларини кийишни маъқул билади.

Кейт Миддлтон

Кембриж герцогинясининг Zara’дан сал кам 30 долларга сумка олгани барчани лол қолдирган. Кейт ўша сумкани тўйининг иккинчи куни тутган ва бу унинг қироллик оиласи вакили сифатидаги биринчи образи бўлган.

Эмили Ратаковски

Эмили Ратаковски эса тўйи куни келин кўйлак ўрнига Zara’дан костюм-шим ва шляпа кийган. Ушбу образи акс этган фотони Instagram саҳифасига жойлаганидан кейин ушбу модель бир зумда сотилиб битган.

Жастин ва Хейли Бибер

Эр-хотин Биберлар ҳам Zara’нинг мухлиси. Суратда Хейлининг бренддан комбинезон кийганини кўриш мумкин.

Аделаида Кейн

Актриса Аделаида Кейн ҳам хол-хол принтли, олд қисмида банти бор кофтани Zara’дан 42 долларга олган.

Кендалл Женнер

Юлдузлар Мango, TopShop, Forever21, Asos, H&M ва Giambattista Valli сингари брендларни ҳам яхши кўради. Улар орасида модель Кендалл Женнер ҳам бор.