Toshkent–Tel-Aviv–Toshkent yo‘nalishidagi reyslar odatdagi tartibda amalga oshiriladi. Bu haqda Uzbekistan Airways xabar berdi.
Ikki tomonlama reyslar 1-iyuldan qayta tiklanadi.
14-iyun kuni Isroil havo hududining vaqtincha yopilgani munosabati bilan ushbu mamlakat bilan aviaqatnovlar to‘xtatilgani haqida xabar berilgandi.
Eron – Isroil mojarosi
Isroil 13-iyun kechasi Eronga zarbalar berishni boshladi. Ularning maqsadi Tehronning yadro va raketa dasturlari bilan bog‘liq obyektlar edi. Bir sutkadan kamroq vaqt o‘tib, Eron javob hujumini amalga oshirdi. 22-iyun kechasi AQSH Qurolli kuchlari Eronning uchta yadroviy obyektiga hujum qildi.
23-iyun kechqurun esa Tehron Qatardagi Yaqin Sharqning eng yirik Al-Udeyd Amerika havo bazasiga raketa zarbalari berdi.
Keyinroq AQSH Prezidenti Donald Tramp Isroil va Eron o‘t ochishni to‘xtatish rejimiga kelishib olganini ma’lum qildi. Bu kelishuv 24-iyundan kuchga kirdi.
Izoh (0)