“Ҳаж-2025” дастури доирасида Наманган халқаро аэропортидан Мадинага илк парвоз амалга оширилди. Бу ҳақда “Дарё” мухбири Азизбек Абдувалиев хабар бермоқда.
Ушбу рейс Саудия Арабистонининг Flynas авиакомпаниясига тегишли Airbus А-330 ҳаво кемасида амалга оширилди. У орқали 430 нафар зиёратчи ҳаж сафарига жўнаб кетди.
Фото: Оқилхон Мамажонов
Фото: Оқилхон Мамажонов
Зиёратчиларнинг илк гуруҳи кузатуви маросимида Наманган вилояти ҳокими Шавкат Абдураззоқов иштирок этди. У зиёратчилар билан учрашиб, мулоқотда бўлди ва сафарлари бехатар бўлишини тилади.
Фото: Оқилхон Мамажонов
Фото: Оқилхон Мамажонов
Вилоят ҳокими мазкур гуруҳда навбатдаги ҳаж сафарига йўл олган 105 яшар Иброҳим Хўжаев билан ҳам кўришиб, отахондан дуо қилишларини сўради.
Иброҳим ота Хўжаев ва Шавкат Абдураззоқов
Фото: Оқилхон Мамажонов
Фото: Оқилхон Мамажонов
Маълумот учун, жорий ҳаж мавсумида Наманган халқаро аэропортидан жами 20 та авиақатнов амалга оширилиши режалаштирилган. Улар орқали Наманган, Андижон ва Фарғонадан 5 мингдан ортиқ зиёратчи Мадинага етказилади.
Изоҳ (0)