Футбол бўйича Ўзбекистон Кубогининг нимчорак финалидан ўрин олган учрашувлар 25 июнь, чоршанба куни ўтказилди.
Бугунги белгиланган баҳс Олмалиқда – “Бухоро” – “ОКМК” жамоалари ўртасида кечди.
Учрашувдаги барча голлар биринчи бўлимда урилди. Жумладан,25-дақиқада бухороликлар вакили Ёсип Томашевич ўз дарвозасига тўп киритиб қўйди. Орадан 6 дақиқа ўтар-ўтмас олмалиқликлар вакили ҳам автогол муаллифи бўлди. Бу галги қаҳрамон – Жавоҳир Илёсов.
34-дақиқада “Бухоро” ҳужумчиси Шоҳруз Норхонов жамоасини ҳисобда олдинга олиб чиқди. 45+1-дақиқада эса Асилбек Қаюмов ҳисобни оширди.
Иккинчи бўлимда қатор вазиятлар яратилди, аммо улардан наф чиқмади. Ҳисоб бошқа ўзгармади ва “Бухоро” чорак финал йўлланмасини қўлга киритди.
Ўзбекистон Кубоги
Нимчорак финал
25 июнь, чоршанба
“Бухоро” — “ОКМК” 3:1
Голлар: Ёсип Томашевич, 25 автогол (0:1), Жавоҳир Илёсов, 31 автогол (1:1), Шоҳруз Норхонов, 34 (2:1), Асилбек Қаюмов, 45+1 (3:1)
Изоҳ (0)