Ёзги мева ва сабзавотлар нафақат иссиқда тетиклаштиради, балки юрак саломатлигини сақлашга ҳам ёрдам беради. Коннектикут университети диетологи ва ўқитувчиси Шерри Грэй қайси мавсумий маҳсулотлар юрак-қон томир тизими учун айниқса фойдали эканлигини айтиб берди.
Агар мева ва сабзавотларни мунтазам равишда истеъмол қилишга одатланмаган бўлсангиз, кунига бир ёки иккитадан бошлаб миқдорини кўпайтиринг.
Юрак учун фойдали топ-7 ёзги маҳсулотлар
- Помидор — юрак касалликлари билан боғлиқ гомоцистеин даражасини пасайтирадиган калий, C витамини ва фолий кислотасини ўз ичига олади.
- Черника — яллиғланишга қарши курашадиган ва холестеринни камайтирадиган антоцианларга бой.
- Шафтоли — қон босими ва томирлар учун фойдали бўлган калий, клетчатка ва бета-каротин манбайи.
- Ўрик — таркибида қон айланиш тизимини соғломлаштирувчи пектин, витаминлар ва антиоксидантлар мавжуд.
- Тарвуз — ликопин ва Л-ситруллин туфайли қон босимини нормаллаштиришга ёрдам беради.
- Қовоқча — калийга бой бўлиб, инсульт ва юрак хасталиклари хавфини камайтиради.
- Қулупнай — кардиометаболик саломатликни яхшилайди ва инсулин резистентликни пасайтиради.
Ушбу маҳсулотларни янгилигида истеъмол қилиш, салатлар, смузиларга қўшиш ва баъзиларини грилда пишириш мумкин. Уларни рационга киритиш орқали сиз нафақат юрагингизни мустаҳкамлайсиз, балки ёз жазирамасига бардош беришингиз ҳам осонлашади.
Изоҳ (0)