Германиялик футболчи Флориан Вирц “Ливерпуль” аъзосига айланди. Бу ҳақда клуб матбуот хизмати хабар берди.
22 ёшли футболчи тиббий кўрикдан муваффақиятли ўтди ва 2030 йилгача бўлган шартномани имзолади.
“Ливерпуль” Вирц учун 100 млн фунт стерлинг тўлов қилади. Шунингдек, яна 16,5 млн фунт бонуслар сифатида тўлаб берилади. Шартнома имзолангандан сўнг Вирц интервью берди:
“Ўзимни жуда бахтиёр ва фахрли ҳис қиляпман. Ниҳоят, барчаси якунланди. Янада катта ҳаяжондаман, чунки менинг олдимда янги бир саёҳат турибди. Мен учун Бундеслигани тарк этиб, Премьер-лигага ўтиш катта қарор эди. Биринчи ўйинимни ўйнашни сабрсизлик билан кутяпман”.
Вирц 2023/24 йилги мавсумда “Байер”билан Бундеслигада ғолиб бўлди. Шунингдек, у жамоаси билан Европа Лигаси финалчисига айланди.
Вирц бугунга қадар Германия терма жамоаси сафида 31 та ўйин ўтказиб, 7 та гол урган.
Изоҳ (0)