71 ёшли Сун Минхуэй Ухандаги National Fitness Newcomers Quality Competition 2025 фитнес моделлари мусобақасида аралаш тоифада бронза медалини қўлга киритди. У, шунингдек, танловнинг энг кекса иштирокчиси бўлди, деб South China Morning Post хабар бермоқда.
Минхуэй нафақага чиққанидан сўнг, 67 ёшида спорт билан шуғуллана бошлаган. Шу вақт мобайнида у велосипед ҳайдаш, арқонда сакраш, югуриш ва сайр қилиш каби турли спорт турларини синаб кўрди.
“Бир ойдан сал кўпроқ машғулотлардан кейин ўзгаришларни сеза бошладим. Ёшим ошгани сайин мушакларимни йўқотмадим, аксинча, уларни кўпайтирдим. Бу менга катта ишонч бағишлади”, деди аёл.
Ҳозирги кунда унинг жадвалида ҳафтасига камида бешта машғулот мавжуд. Аёл, шунингдек, мувозанатли овқатланишга эътибор қаратмоқда.
60 ёшида Минхуэй Хитойнинг энг шарқий нуқтасидан энг жанубий шаҳри Санягача велосипедда 45 кун ичида 6 минг километрдан ортиқ масофани босиб ўтди. Шу тариқа у жамоадошлари билан бирга Гиннеснинг рекордлар китобига кирди.
“Ёш — бу шунчаки рақам, чеклов эмас. Баъзилар кексалар фақат чой ичиб, сайр қилиши керак деб ўйлашади, мен эса бошқача ҳаёт тарзини хоҳлайман”, деди аёл.
Изоҳ (0)