Осиё қитъасида 2026 йилги Жаҳон чемпионати саралашининг 3-босқичи ниҳоясига етди. Унда 18 та терма жамоа 3 та гуруҳга бўлинган ҳолда мундиал йўлланмаси учун баҳс олиб борди. Натижаларга кўра, Япония, Эрон, Ўзбекистон, Жанубий Корея, Иордания ва Австралия тўғридан-тўғри ЖЧ-2026 йўлланмасига эга чиқди.
А гуруҳи
Бу гуруҳда Эрон 23 очко билан биринчи ўринни эгаллади, Ўзбекистон эса 21 очко жамғарган ҳолда иккинчи бўлди ва илк бор Жаҳон чемпионатига йўл олди. БАА (15 очко) ҳамда Қатар (13 очко) эса саралашнинг плей-офф босқичига йўлланма олди.
Қирғизистон (8) ва Шимолий Корея (3) мундиал сари курашни тўхтатди.
10-тур натижалари:
- Ўзбекистон — Қатар 3:0
- Эрон — Шимолий Корея 3:0
- Қирғизистон — БАА 1:1
Якуний жадвал:
- Эрон — 23 очко
- Ўзбекистон — 21 очко
- БАА — 15 очко
- Қатар — 13 очко
- Қирғизистон — 8 очко
- Шимолий Корея — 3 очко
B гуруҳи
Жанубий Корея 22 очко билан гуруҳ ғолибига айланди. Иордания эса 16 очко билан иккинчи ўринни эгаллаб, тарихда илк бор Жаҳон чемпионатига чиқди. Ироқ (15) ва Уммон (11) жамоалари плей-офф босқичида иштирок этади. Фаластин (10) ва Қувайт (5) саралашни тарк этди.
Сўнгги тур плей-офф учун ҳал қилувчи баҳслар билан якунланди. Уммон ва Фаластин 4-ўрин учун ўзаро беллашди. Дуранг натижа (1:1) Уммонни кейинги босқичга олиб чиқди, Фаластин эса саралашни якунлади.
10-тур натижалари:
- Иордания — Ироқ 0:1
- Фаластин — Уммон 1:1
- Жанубий Корея — Қувайт 4:0
Якуний жадвал:
- Жанубий Корея — 22 очко
- Иордания — 16 очко
- Ироқ — 15 очко
- Уммон — 11 очко
- Фаластин — 10 очко
- Қувайт — 5 очко
C гуруҳи
Бу гуруҳда Япония бир неча тури олдин ЖЧ йўлланмасини кафолатлаган эди. Иккинчи ўрин учун Австралия ва Саудия Арабистони курашди. Якунда Австралия сўнгги турда Саудия Арабистонини 2:1 ҳисобида мағлуб этиб, мундиал йўлланмасига эга чиқди.
Саудия Арабистони (15 очко) ва Индонезия (12 очко) плей-оффга йўлланма олди. Хитой (9) ва Баҳрайн (6) эса ЖЧ сари юришини қўхтатди.
10-тур натижалари:
- Саудия Арабистони — Австралия 1:2
- Япония — Индонезия 6:0
- Хитой — Баҳрайн 1:0
Якуний жадвал:
- Япония — 23 очко
- Австралия — 19 очко
- Саудия Арабистони — 15 очко
- Индонезия — 12 очко
- Хитой — 9 очко
- Баҳрайн — 6 очко
Плей-офф формати қандай?
Шундай қилиб, ЖЧ-2026га Осиёдан тўғридан-тўғри йўлланма олган 6 жамоа қуйидагилар: Япония, Эрон, Ўзбекистон, Жанубий Корея, Иордания, Австралия.
БАА, Қатар, Ироқ, Уммон, Саудия Арабистони ва Индонезия плей-офф босқичида иштирок этади. Улар икки гуруҳга бўлиниб, яна 2,5 та йўлланма учун кураш олиб боради.
Ҳар бир гуруҳда 1-ўринни эгаллаган жамоа Жаҳон чемпионатига тўғридан-тўғри йўл олади. Иккала гуруҳда 2-ўринни эгаллаган икки жамоа эса ўзаро 0,5 йўлланма учун ўйнайди. Ушбу ғолиб қитъалараро плей-оффда иштирок этади.
Изоҳ (0)