Болалар орасида Коксаки вируси авж олаётгани ҳақидаги хабарлар рад этилиши, Тошкент халқаро аэропортида кутиб олувчилар энди терминал ичига кириши мумкин бўлиши, Янгийўлда юк машина ҳайдовчиси велосипеддаги 9 ёшли болани босиб кетиши — “Дарё” нашри 11 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Осиё инфратузилмавий инвестициялар банки Ўзбекистон автомобиль йўлларини яхшилашга ёрдам беради
Маҳаллий аҳамиятга эга 516,1 километр автомобиль йўлларини тўла таъмирлашга келишилди.
Экология вазирига эколойиҳалардаги кечикишлар юзасидан парламент сўрови юборилди
Қаттиқ маиший чиқинди полигонларини ёпиш, чиқиндиларни қайта ишлашни ташкил этиш, “яшил субсидиялар” ажратиш лойиҳалари кечикаётгани бўйича тушунтириш сўралди.
Ўзбекистонда болалар орасида Коксаки вируси авж олаётгани ҳақидаги хабарлар рад этилди
Нурмат Отабеков беморга ўзбошимчалик билан бактерия ва вирусга қарши препаратларни бериш керак эмаслигидан огоҳлантирди.
Шавкат Мирзиёев ЕТТБ президенти билан шериклик масалаларини муҳокама қилди
Давлат раҳбари ҳамкорлик натижадорлигини ошириш муҳимлигини айтиб, унинг асосий йўналишларини кўрсатиб ўтди.
Ўзбекистонда сувдан фойдаланиш қоидалари бузилгани ҳақида фото ва видео юборганлар рағбатлантирилади
Уларга ҳуқуқбузардан ундирилган жарима ҳисобидан БҲМнинг 25 фоизи миқдорида пул мукофоти берилади.
Тошкентда SpaceX, Меtа, Boeing каби компания вакиллари иштирокида хорижий инвесторлар кенгаши ялпи мажлиси ўтказилди
Хорижий ҳамкорларнинг 40 дан ортиқ ташаббуслари саралаб олинди.
Тошкент халқаро аэропортида кутиб олувчилар энди терминал ичига кириши мумкин
Зал олдига таксида ҳам, шахсий автомобилларда ва автобусларда ҳам кириш имкони яратилди.
Миланда Ўзбекистоннинг саноат ва экспорт салоҳияти кўргазмаси ўтказилади
Шавкат Мирзиёев Ломбардия вилояти губернатори, шунингдек, БАА энергетика ва инфратузилма вазири ва АCWА Power компанияси бошқаруви раисини қабул қилди.
“Ўзбекистон юборган нота диққат билан ўрганилмоқда” — Мария Захарова
Нота Москвадаги рейдда мигрантларга нисбатан қўпол муносабатда бўлингани юзасидан юборилганди.
“Менимча, Ўзбекистонда автомобиль монополияси пайдо бўлиш эҳтимоли энди йўқ” — BYD компанияси масъули
“Чунки мамлакатда очиқлик ва либераллашувни кўряпмиз”, дейди компаниянинг Марказий Осиё бўйича бошқарув директори Иван Сао.
Бухорода эркак эчкиэмар оғзига нос солиб, шафқатсиз муносабатда бўлди (видео)
Бош прокуратура ҳолат юзасидан маълумот берди.
Хитой компанияси Ўзбекистонда божхона юкларини сканерлаш технологияларини жорий қилиши мумкин
Шавкат Мирзиёев Хитой компаниялари раҳбарлари, Уммон савдо, саноат ва инвестицияларга кўмаклашиш вазири ва Финляндия ташқи ишлар вазирини қабул қилди.
Янгийўлда юк машина ҳайдовчиси велосипеддаги 9 ёшли болани босиб кетди (видео)
Велосипедчи турли кўринишдаги тан жароҳатлари билан шифохонага ётқизилган.
Ўзбекистонда 1-синфга қабул қачондан бошланиши маълум бўлди
Мактабгача ва мактаб таълими вазирлиги қабул жараёни ҳақида тушунтириш берди.
Саида Мирзиёева IV Тошкент халқаро инвестиция форуми доирасидаги сессияда иштирок этди
Президент ёрдамчиси Қорақалпоғистонда ўтган бир йил мобайнида кўплаб музокаралар олиб борилгани, аниқ дастурлар ишга туширилганини таъкидлади.
Шавкат Мирзиёев Владимир Путинни Россия куни билан табриклади
Икки давлат етакчилари телефон орқали мулоқот қилди.
Шавкат Мирзиёев Афғонистон саноат ва савдо вазирини қабул қилди. Нималар муҳокама қилинди?
Трансафғон темир йўли ва “Сурхон – Пули-Хумри” электр узатиш линиясини қуриш каби йирик минтақавий инфратузилма лойиҳалари қўллаб-қувватланди.
Ўзбекистонга тўрт ойда қанча автомобиль импорт қилингани очиқланди
Энг кўп енгил автомобиль импорт қилган давлатлар рейтингида Хитой пешқадам.
Ўзбекистонда Япония халқаро университети очилади
Шавкат Мирзиёев Япония халқаро ҳамкорлик банки бошқарувчисини қабул қилди.
Хитойлик фуқаролар ёки компанияларга ер ажратилиши ҳақидаги баёнотлар асоссиз — Қишлоқ хўжалиги вазирлиги
Вазирлик Ургутда мансабдор шахс томонидан экишни хоҳламаганларнинг ери хитойликларга берилиши айтилган видеоларга изоҳ берди.
Изоҳ (0)