Central Asian University AKFA Medline University Hospital билан ҳамкорликда Марказий Осиёдаги энг замонавий тиббий резидентура дастурларидан бирига аризаларни қабул қилишни давом эттирмоқда. Иштирокчиларга халқаро стандартлар бўйича таълим олиш, илғор тиббий технологиялардан фойдаланиш, хорижда амалиёт ўташ ва тўлиқ таълим тўлови ҳамда ойлик маошни ўз ичига олган 110% лик грант дастурига даъвогарлик қилишдек ажойиб имконият тақдим этилади.
Замонавий тиббиёт шифокорлардан чуқур амалий кўникмалар, инновацион технологияларни ўзлаштириш ва илмий таҳлил қобилиятини талаб қилади.
CAU резидентура дастури — Ўзбекистон ва ундан ташқарида соғлиқни сақлаш соҳасига илғор ёндашувларни жорий этишга қодир бўлган янги авлод шифокорлари учун тўлақонли касбий старт ҳисобланади.
Central Asian Universityънинг 2025 йилги резидентура дастурига бўлган қизиқиш унинг ўз йўналишида тенгсиз эканлигини тасдиқлайди: 30 та ўринга 430 дан ортиқ ариза топширилган. Бир ўрин учун танлов ўртача 14 кишини ташкил этади, айрим йўналишлар бўйича эса 70 дан ортиқ даъвогар мавжуд.
Рақобатнинг бундай юқори даражаси дастурнинг нуфузи ва Ўзбекистон ҳамда хорижий мамлакатларнинг ёш шифокорлари томонидан университетга бўлган ишончни намойиш этади.
Резидентура дастурига қабул соғлиқни сақлаш соҳасида жаҳон етакчилари қаторига кирувчи АҚШнинг академик тиббиёт маркази билан ҳамкорликда амалга оширилади. Дастурнинг барча элементлари — ўқитиш тузилмасидан тортиб танлов мезонларигача — унинг талаблари ва шифокорларни тайёрлашнинг халқаро стандартларига мувофиқ ишлаб чиқилган. Бу битирувчиларга Ўзбекистонда ҳам, хорижда ҳам ишонч билан карьера қуриш имконини беради.
“Биз энг яхшилар орасида энг яхшисини изламоқдамиз — ривожланишга, илғор технологияларни ўзлаштиришга, тадқиқотлар билан шуғулланишга ва тиббиёт келажагининг бир қисмига айланишга тайёр бўлганларни. Биз учун сон эмас, сифат муҳим: биз шунчаки таълим эмас, балки халқаро даражадаги етук мутахассис бўлиш имкониятини таклиф этамиз”, дейди Central Asian University ректори Камран Гуламов.
Дастурнинг ўзига хослиги
Дастур дипломдан кейинги тиббий таълимнинг халқаро стандартларига мувофиқ ишлаб чиқилган. Таълим йўналишига қараб 4 ёки 5 йил давом этади. Биринчи кундан бошлаб резидентлар клиникаларда амалиётни бошлайдилар, ҳақиқий беморлар билан ишлайдиган жамоаларнинг бир қисмига айланадилар.
Таълим тўлиқ инглиз тилида олиб борилади ва қуйидагиларни ўз ичига олади:
- Амалиётчи шифокорлардан шахсий йўл-йўриқ (1:1)
- Етакчи муассасалар негизида амалиёт ўташ
- Замонавий технологиялардан фойдаланиш имконияти: роботлаштирилган жарроҳлик, 3D режалаштириш, сунъий интеллект диагностикаси
- Симуляция марказларида ўқитиш
- Мажбурий халқаро амалиётлар: Буюк Британия, Германия, Жанубий Корея, АҚШ
- Нашр қилиш ва конференцияларда иштирок этиш имконияти билан илмий-тадқиқот ишлари
Тайёргарлик йўналишлари
- Умумий жарроҳлик - 4 йил
- Кардиожарроҳлик - 5 йил
- Кардиология ва интервенсион кардиология - 4 йил
- Акушерлик ва гинекология - 4 йил
- Урология - 4 йил
- Ортопедик жарроҳлик - 4 йил
- Неврология - 4 йил
- Оториноларингология (ЛОР) - 4 йил
- Реконструктив жарроҳлик - 4 йил
- Радиология - 4 йил
- Анестезиология - 4 йил
- Офталмология - 4 йил
Клиник амалиёт AKFA Medline University Hospital негизида, шунингдек, ихтисослаштирилган муассасаларда: нейромарказлар, урология, офталмология ва ЛОР клиникалари, визуал диагностика, интенсив терапия, травматология ва реконструктив жарроҳлик бўлимларида ўтказилади.
“Ушбу дастур клиник амалиётда ҳам, илмий муҳитда ҳам ишонч билан ҳаракат қиладиган шифокорларни шакллантиради. Биз нафақат даволашни ўргатамиз, балки янги авлод етакчиларини тарбиялаймиз”.
— Доктор Азимжон Турсунқулов, тиббиёт фанлари номзоди (PhD)
Ассоциациялашган профессор, уролог-шифокор, Европа урологлар ассоциацияси эндоурология сексиясининг халқаро аъзоси
Грантлар ва танлов
2025 йилда жами 30 та ўрин кўзда тутилган бўлиб, улардан 25 таси AKFA Groupънинг ноёб "110% грант" ташаббуси доирасида тўлиқ молиялаштирилади.
- Таълим харажатларини тўлиқ қоплаш (йилига 50 000 долларгача)
- Кафолатланган ойлик маош
- Халқаро амалиётлар
- Илмий фаолият ва нашрларни қўллаб-қувватлаш
Топшириш муддатлари ва саралаш босқичлари
- Аризаларни қабул қилиш муддати: 2025 йил 30 июнь
- Суҳбат ва кириш имтиҳонлари: 2025 йил 16 июлдан 15 августгача
- Натижаларни эълон қилиш: 2025 йил 27 август
Қабул комиссиясининг алоқа маълумотлари:
+998 71 200 05 22
+998 71 208 12 34
Ҳужжатлар www.centralasian.uz сайтида онлайн тарзда қабул қилинади.
Реклама ҳуқуқи асосида.
Изоҳ (0)