Mobiuz ходимлари онкологик ва гематологик касалликлар билан курашаётган болаларга ёрдам кўрсатди

Mobiuz “Фахрли инсон” фонди ва Республика қон қуйиш маркази билан ҳамкорликда ходимлар орасида “Донорлар куни”ни ўтказди.

Қурбон ҳайити ва Халқаро болаларни ҳимоя қилиш байрами қутлуғ кунларида Mobiuz жамоаси ғамхўрлик шунчаки компания фалсафасидаги сўз эмаслигини яна бир бор исботлади. Бу инсонлар қалбида илдиз отадиган ва айниқса эҳтиёжмандларга ҳақиқий наф келтирадиган амаллардир.

Mobiuz марказий офисида “Донорлар куни” тадбирида компаниянинг 40 дан ортиқ ходими иштирок этди. Уларнинг бағрикенглиги туфайли болажонларга соғайиш, келажак ва ҳаёт учун имконият ҳадя этишга қарор қилган

Ҳар бир қон топшириш Болалар онкологияси, гематологияси ва иммунологияси илмий-амалий марказида оғир касалликлар билан курашаётган болаларга бевосита ёрдам берди. Ҳар бир пробирка ортида тарих, ҳамдардлик ва ишонч ётибди. Донор ўзи ёрдам берган болаларни кўрмаса-да, қаердадир яна бир табассум порлашини аниқ билади. Бу ҳеч қандай технология ўрнини боса олмайдиган кўзга кўринмас алоқадир.

Бироқ эзгу ишлар шу билан тугамади. Бирдамлик кучи яна бир ташаббусда намоён бўлди — компания кўнгиллилари томонидан расм чизиш, ёзиш ва ижод қилиш учун зарур бўлган барча нарсалар билан тўлдирилган 80 та канселярия товарлари тўплами тайёрланди ва манзилли тарзда етказиб берилди. Даволанаётган бола учун бу шунчаки совға эмас, балки чалғиш, хаёл суриш, ўзини оддий боладек ҳис қилиш имкониятидир.

Mobiuz кўнгиллилари ягона жамоага бирлашиб, илиқлик ва умидга тўла муҳит яратдилар. Бу оддий иш куни эмас, технологиялар бир қадам орқага чекиниб, инсоний муносабат биринчи ўринга чиққан кун бўлди.

Компания уяли алоқани ривожлантирмоқда, янги тармоқларни қурмоқда, рақамли маҳсулотларни жорий этмоқда, аммо ёнма-ён бўлиш, инсонпарварлик ва фойдалилик туйғуларисиз буларнинг барчаси маъносиз бўларди. Донорлар куни янги эзгу ишлар учун илҳом манбаи бўлиб хизмат қилди.

Реклама ҳуқуқи асосида.