President Tech Award: 1 000 000 долларлик соврин жамғармасига эга инновацион лойиҳалар миллий танлови бошланди

IT Park Uzbekistan технология, тадбиркорлик ва рақамли ечимлар соҳасидаги ёш истеъдодлар учун мамлакатдаги энг йирик танлов — “President Tech Award” бошланганини эълон қилади. Танлов иқтисодиётнинг асосий тармоқларини ривожлантиришга таъсир кўрсата оладиган истиқболли лойиҳаларни аниқлаш ва қўллаб-қувватлашга қаратилган.

Танловнинг асосий йўналишлари:

1. Сунъий интеллект асосидаги технологиялар
2. Ижтимоий соҳада рақамли технологиялар
3. Компьютер ва мобил ўйинлар
4. Тадбиркорлик ва молиявий технологиялар
5. Micro-SaaS ва AdTech соҳасидаги технологик ечимлар

Махсус йўналиш: Ҳакатон

Шунингдек, инновацион ғояларга эга бўлган иштирокчилар экспериментал ва ностандарт технологик ечимлар кўриб чиқиладиган махсус тоифа - Хакатонга ариза топширишлари мумкин.

Мукофот жамғармаси — $1 000 000.

Бешта асосий йўналишнинг ҳар бири бўйича қуйидаги совринлар белгиланган:

• 1-ўрин — $100 000
• 2-ўрин — $50 000
• 3-ўрин — $30 000

“Ҳакатон” махсус йўналишида ғолиб жамоа $100 000 миқдоридаги грантга эга бўлади.

Ариза топшириш учун зарур материаллар:

• “OneID” тизимидаги ҳисоб
• Лойиҳанинг қисқача тавсифи акс этган 3 дақиқалик видео
• ПДФ форматидаги лойиҳа тақдимоти (файлни юклаш ёки ҳавола)
• Лойиҳа прототипига (МVP) ҳавола
• GitHub’даги лойиҳа репозиторийсига ҳавола
• Тақдимот намунаси — файл.

Иштирок этиш шартлари:

• Бир иштирокчи ёки жамоа фақат битта асосий ва битта махсус йўналиш бўйича ариза топшириши мумкин.
• Ташкилий қўмита билан келишилган ҳолда жамоа таркибида ўзгаришлар киритилиши мумкин.
• Жамоа ҳажми:
• Асосий йўналишлар учун — 3–8 киши;
• “Ҳакатон” йўналиши учун — 3–5 киши.
• Танловда иштирок этиш бепул.
• Лойиҳаларни ишлаб чиқиш билан боғлиқ харажатлар қопланмайди.
• Асосий йўналишларда фақат 30 ёшгача бўлган Ўзбекистон фуқаролари иштирок этадилар.
• Махсус йўналишда IT Park резиденти бўлган компанияларда ишлайдиган чет эл фуқаролари ва фуқаролиги бўлмаган шахслар ҳам иштирок этишлари мумкин.

President Tech Award — бу ўзингизни намоён қилиш, молиявий ва эксперт кўмагини олиш, шунингдек, мамлакатнинг технологик келажагига ҳисса қўшиш учун ноёб имконият. 

1 июлгача “President Tech Award” танловига рўйхатдан ўтинг!

Реклама ҳуқуқи асосида