Британия қироли Карл III Хитойда ишлаб чиқарилган Lotus Eletre электромобилини сотиб олди. Унинг нархи 210 минг долларни ташкил этади.
Одатда Британия қироллик оиласи ўз давлатида ишлаб чиқарилган автомобилларни афзал кўради. Масалан, ёшлигида Карл онаси Елизавета II томонидан совға қилинган Aston Martin DB6 русумли машинани ҳайдаган. Шунингдек, қироллик гаражида Rolls Royce, Land Rover ва Bentley автомобиллари мавжуд.
Сўнгги вақтларда Британия автомобиль саноатининг аҳволи унчалик яхши эмас, бу ҳатто қироллик оиласига ҳам таъсир қилган. The Sun нашрининг ёзишича, сарой вакилларидан бири шундай деган:
“Агар Bentley қироллик оиласида фойдаланиладиган лимузинларни электромотор билан ишлаб чиқаришга қодир бўлмаса, улар бошқа брендларни ҳам кўриб чиқишга тайёр”.
Фото: Тhе Daily Beast
Карл III харид қилган Lotus Eletre ана шундай параметрларга мос бўлиб чиқди. Бир томондан, Lotus компаниясининг келиб чиқиши британ илдизлари билан боғлиқ: Lotus 1952 йилда Буюк Британияда асос солинган ва 70 йилдан ортиқ спорт автомобилларини ишлаб чиқарган. Бироқ 2017 йилда компания акцияларининг 51 фоизи Хитойнинг йирик автомобиль концерни Geely Automobileʼга ўтган. 2021 йилдан бошлаб ишлаб чиқариш Хитойнинг Ухан шаҳрига кўчирилган.
Қирол харид қилган автомобиль тўқ қизил рангга бўялган, бу ранг Британия монархиясининг рамзий белгиси ҳисобланади. Қирол ушбу электромобилда чекка ҳудуддаги далаҳовлисига боришни режалаштирмоқда.
Изоҳ (0)