“Муҳташам юз йил” сериали мухлислари орасида шундай тасаввур бор: султон ҳарами бу дабдабага бурканган, доимий байрамлар ўтказиладиган маскан, унда аёллар ҳашаматли либосларда, ширинликларга тўла дастурхон атрофида суҳбат қуриб ўтиради. Аммо тарихда вазият мутлақо бошқача бўлган: ҳақиқий ҳарам ошхонаси кўпроқ Усмонлилар услубидаги армиянинг рационига ўхшаган. Сериалда Хуррамнинг лукум ва бошқа ноз-неъматлар билан сийланган кадрлар ҳақиқатдан йироқ эди.
-MyqLcQDU.avif)
Ҳарамда канизаклар нималар истеъмол қилишган?
Асосий овқат миқдори жуда оз бўлган ва аниқ ўлчовда берилган. Тарихчиларнинг ёзишича, бир маҳал овқат 250 граммдан ошмаслиги шарт бўлган. Канизаклар кунига бор-йўғи икки маҳал таом еган, уларга кундалик егуликдан бошқа ҳеч нарса берилмаган. Фақат очликдан бош айланишининг олдини олиш учун аёл-қизларга бир-икки ҳўплам қуюқ шарбат ичишга рухсат берилган.
Йўқ, Усмонлилар хасис бўлмаган, шунчаки, улар юзлаб аёлларни тўрт девор ўртасида ҳаракатсиз сақлаб, ширинлик билан тўйдириш семизликка олиб келишини яхши тушунган. Албатта, бир оз тўладан келган аёллар ҳам гўзал саналган, аммо бу ҳам меъёр доирасида бўлиши лозим эди.
Барча аёллар учун бериладиган таомлар бир хил эдими?
Йўқ, ҳарамда ҳам иерархияга амал қилинган. Овқатланиш тартиби аёлнинг мақомига қараб белгилангани сабабли, канизаклар оддий таомлар билан кифояланган. Султон ва унинг яқинлари эса ҳар қандай лаззатли таомлардан баҳраманд бўлган.
Сериалда доимий кўринадиган ҳолва, лукум ва бошқа ширинликлар эса кўпчилик учун фақатгина байрам кунларида дастурхонга тортилган. Лекин султоннинг меҳрига сазовор бўлган аёллар учун икки-уч кунга алоҳида меню тузилган, чунки тўйиб таомланиш ҳомиладор бўлиш имкониятини оширишига ишонилган. Ҳомиладор бўлган канизакларнинг рационига ҳам икки-учта қўшимча таом киритилган.
Изоҳ (0)