Султон Сулаймон Усмонлилар империясининг энг қудратли ва машҳур ҳукмдорларидан бири сифатида тарихда қолган. Агар “Муҳташам юз йил” сериалига ишонилса, Сулаймон тонгни давлат ишлари билан шуғулланишдан бошлаган, кунни Хуррам билан учрашувлар билан давом эттирган ва жанг майдонидаги ғалабалар билан якунлаган.
Султоннинг дастурхонида асосан гўштли егуликлар, қуюқ ичимликлар, жумладан, шарбатлар таомноманинг ажралмас бўлган. Бундай калорияли овқатланиш, албатта, унинг саломатлигига таъсир кўрсатган ва кейинчалик жисмоний ҳолатини ёмонлаштирган.
Шарбатлар
Усмонлилар империясида юқори ваколатли одамлар деярли сув ичмаган, унинг ўрнига Сулаймон ҳар куни шарбат истеъмол қилган. Бундай шарбат ҳозирги биз билгандан анча фарқ қилади, у жуда қуюқ, турли таъмли, зираворли, десертга ўхшаш бўлган. У мева ва ўтлардан тайёрланган. Бундай шарбат жуда тўйимли ва калорияли бўлиб, у султоннинг севимли газаги — қовурилган гўшт, балиқ ва дудланган сабзавотлар билан тортилган.
Гўштли таомлар
Сулаймон болалигидан гўштли таомларни афзал билган. Тарихчилар айтишича, ёши улғайган сайин бундай гўштхўрлик султоннинг подагра касаллигига чалинишига сабаб бўлган. Бу “қироллар касаллиги” деб аталувчи хасталик гўшт ва ширинликларни ортиқча истеъмол қилишдан келиб чиқади.
Маълумот учун: Подагра — бу суяклар ва бўғимларда оғриқ ва яллиғланиш билан намоён бўладиган сурункали метаболик касалликдир. У асосан қўл ва оёқлардаги бўғимларда, айниқса, катта бармоқда юз беради. Подагра, одатда, организмда пурин моддаларининг ҳаддан ташқари кўпайиши ва бу моддалар кристалларига айланиб, бўғимларда тўпланиши натижасида юзага келади. Бу кристаллар бўғимларда яллиғланишни келтириб чиқаради ва оғриқни кучайтиради.
Шу сабабли султон рационидан гўштли таомлар қисқартирилишга тўғри келган, бироқ Сулаймон ширин таомларга бўлган иштиёқини умрининг охиригача сақлаб қолган.
От гўшти ва қўй гўшти Селимни ҳалок қилган
Сулаймоннинг ўғли Селим ҳам гўштга ишқибоз эди. Баъзи манбаларга кўра, бир куни у от гўшти ва қўй гўштидан тайёрланган колбасани ҳаддан ташқари кўп еб, устидан сув ичган ва... вафот этган. Сарой табиблари бу ўлимда заҳарни эмас, айнан овқатни айблаган.
Изоҳ (0)