Эрон 24 май куни мамлакатдаги биринчи ҳаво таксисини расман ишга туширди. Бу ҳақда IRNA агентлиги хабар берди.
Маълум қилинишича, ҳаво таксисининг биринчи рейси Керож ва Қазвин шаҳарларини боғлаб, мунтазам қатновларнинг бошланиши бўлган.
“Ҳаво таксисининг ишга туширилиши катта истиқболларни ваъда қилувчи муҳим ютуқдир”, дейди Эрон Алоқа ва ахборот технологиялари вазирлиги ҳузуридаги Махсус иқтисодий зона (МИЗ) ва Паям халқаро аэропорти бош директори Муҳсин Ҳасанлу.
Ҳасанлунинг сўзларига кўра, янги транспорт тури Паям ЭИЗга янги инвестицияларни жалб қилиш, миллий иқтисодиётни рағбатлантириш ва Алборз вилоятини ривожлантиришга ёрдам беради. Бундан ташқари, аҳолининг авиация хизматларидан кенг фойдаланиши учун қулай шароитлар яратилади.
“Ҳаво таксисининг жорий этилиши кам юкланган ҳаво йўналишларини жонлантиришда муҳим рол ўйнайди”, дейди Ҳасанлу.
Эронда биринчи ҳаво таксисининг ишга туширилиши мамлакат транспорт инфратузилмасини модернизация қилиш ва авиация хизматларидан фойдаланиш имкониятларини кенгайтиришда муҳим қадам сифатида баҳоланмоқда.
Хитойнинг ЭҲанг стартапи беш йилдан сўнг Хитой осмонида “парвоз қилувчи йўналишли таксилар” ҳаракатланишига, инфратузилма мавжуд бўлган айрим шаҳарларда эса улар индивидуал йўналишларда ҳам ишлашига ишонч билдирганди.
Изоҳ (0)