“Тоттенҳэм” сардори Сон Хён Мин клублар ўртасида ўтказиладиган мусобақалардаги илк совринини қўлга киритди. Кореялик футболчи финал баҳсидан сўнг интервью бериб, ўйин ҳақида ўз фикрлари билан ўртоқлашди.
Жамоадошларимга нима дейишни билмайман. Оддий “раҳмат” бу ҳолатда камлик қилади. “Тоттенҳэм”даги 10 йиллигимда бу энг оғир мавсум бўлди. Аммо ёш футболчиларнинг бирлашиб, умумий мақсад йўлида ҳаракат қилганини кўриб, ҳайратда қолдим.
Мен мукаммал сардор эмасман, улар бунга қарамай таслим бўлишмади, охиригача характер кўрсатишди. Бу менга янада кўпроқ мотивациясини берди. Яна бир гап айтайми? Мен афсонаман. Сабаби клуб 17 йил давомида соврин ютмади. Шундай экан, нега мени афсона демаслигингиз керак, дейди футболчи.
Маълумот учун, “Тоттенҳэм” Европа Лигаси финалида “Манчестер Юнайтед”ни 1:0 ҳисобида мағлуб этди. Бильбао шаҳрида ўтган баҳс тақдирини Бреннан Жонсоннинг ягона голи ҳал қилди.
“Шпорлар” охирги марта 2008 йил Англия Кубоги доирасидаги баҳсда ғалаба қозонган эди. Шундан кейин 17 йил давомида ҳеч қандай соврин ютишмади.
Шунингдек, мазкур ғалаба “Тоттенҳэм”га кейинги мавсум Чемпионлар Лигасида иштирок этиш имконини беради.
Изоҳ (0)