Кеча, 11 сентябрь санасида футбол бўйича Эктор Купер бошчилигидаги Ўзбекистон терма жамоаси Эрон термасига қарши ўртоқлик ўйинида майдонга тушиб, 0:1 ҳисобида имкониятни бой берди. Учрашувдан сўнг эронликлар бош мураббийи матбуот анжуманида қатнашди.
Бугун жуда ҳам чиройли ўйин бўлди. Иккала жамоа ҳам яхши ўйин кўрсатди. Бугунги ўртоқлик учрашуви жуда яхши ўтди деб айта оламан. Ўйиндаги натижа эса муҳим эмасди. Шунга қарамай ўйин жуда ҳам қизиқарли бўлди. Бу ўйин Осиё кубогига тайёргарлик вазифасини ўтади. Ўзбекистон доим Эрон билан яхши ўйин кўрсатиб келади. Масалан, Жаҳон Чемпионатидан олдин Ўзбекистон Теҳронга келиб ўртоқлик учрашуви ўтказишганди.— Сизнинг қўл остингизда Эрон терма жамоаси яхши ўйин кўрсатиб келмоқда. Келажагингиз ҳақида нима дея оласиз?
— Осиё Кубогида чемпион бўлиш жуда оғир. Сабаби Япония, Жанубий Корея, Австралия ва Ўзбекистон ҳам буни истайди. Аммо чемпион бўлиш жуда қийин. Келажагим ҳақида гапирадиган бўлсам ҳозирча шартномага қўл қўйганим йўқ ва кутаяпман. Бу бизнинг ички ишимиз эканлигини тушунингизни сўрардим.
— Сиз анчадан буён Эронда ишлаяпсиз. Қосимов, Абрамов, Бабаян, Кападзе ва бугун Купер жамоасини мағлуб этдингиз. Қайси ўйинда Ўзбекистон кучлироқ ўйнаганини айтиб бера оласизми?
— Эктор Купер бир ой олдин терма жамоани қабул қилиб олди. Унга ишонишингиз керак. Бугун ҳам жамоангиз яхши ўйнади, секин-аста Ўзбекистоннинг ўйини кучайиб боришига шубҳа йўқ.
— Ўйин давомида сиз асосан қарши ҳужумда гол уриш ва шу натижани сақлаб қолишга ҳаракат қилдингизми?
— Бугунги ўйин шунчаки тайёргарлик вазифасини ўтаб берди. Жаҳон Чемпионатидан олдин бизнинг тактикамиз бошқача эди, энди тактика ўзгарди. Сабаби Жаҳон Чемпионати ва Осиё кубоги бошқа-бошқа мусобақалар. Бугун кўплаб ёш футболчиларга имкон бердик. Чизиқлар ўртасидаги боғлиқликларни текшириб кўрдик.
— Май ойида Теҳронда Ўзбекистон билан ўртоқлик учрашуви ўтказилганди. Ўша ўйин билан бугунги ўйин ўртасида қандай фарқни сездингиз?
— Эрон терма жамоаси бош мураббийи сифатида бир нима дейишим мумкин: Ўзбекистон терма жамоаси сафида кучли футболчилар кўп. Жанубий Кореядаги Сон Хён Мин, биздаги Сардор Азмун ва Ўзбекистондаги Одил Аҳмедов Осиёнинг топ ўйинчилари ҳисобланади.
Изоҳ (0)