Ўзбек томошабинларига “Қиш сонатаси” сериалидаги бош қаҳрамонга ошиқ йигит меҳрибон ва соддадил Сан Хюк образи билан танилган кореялик актёр Пак Ён Ха қисқа умр кечирган бўлса-да, оламшумул машҳурликка эришди. Унинг ўлими сабаби ҳозиргача мавҳум бўлиб қолмоқда.
Пак Ён Ха 1977 йил 12 августда Жанубий Кореяда дунёга келган. 17 ёшида Пак ўзининг актёрлик ва мусиқа қобилиятлари, шунингдек, мухлислар орасида машҳурлик келтирган жозибадор ташқи кўриниши билан ажралиб турарди. MBC Theme Theater (1994) драмасидаги дебютидан кейин Пак бир қатор телесериал ва фильмларда рол ўйнади.
Актёр 2002 йилда “Қиш сонатаси” телесериалида рол ўйнаб машҳурликка эришди. Машҳур телешоу Япония ва Осиёнинг бошқа мамлакатларини забт этди ва Пакни экран юлдузига айлантирди. Кейинчалик у мусиқа билан шуғуллана бошлади ва хонанда сифатида бир нечта альбом чиқарди.
Мусиқа ва кинодаги муваффақиятлар
Пак 2008 йилда “Оn Air” драмасининг саундтрекларини ижро этди. Саундтрекларнинг япон тилидаги версияси жамланмаси унинг олтинчи сингл-альбоми “Behind lovе” бўлди. 2008 йил 23 июлда чиқарилган “Behind love” Япониянинг асосий кундалик альбом чарти бўлган Ориcон чартида учинчи ўринни эгаллади. Унинг кейинги “Say Goodbye” сингл-альбоми ва “Lovе” тўлиқ форматидаги альбоми 2008 йил ноябрда чиқарилди ва иккаласи ҳам Ориcон чартида топ ўнталикка га кирди.
Пак 2008 йилда SBSнинг “Оn Air” драмасида, продюсер Кён Мин Ли ролини ўйнади. Драма 2008 йил 30 июлдан бошлаб “Мнет Жапан” мусиқа телеканалида намойиш этилди. Актёр ва унинг ҳамкасби Сон Юн сериални тарғиб қилиш учун Японияга бордилар. Бу тадбир Токиодаги Roppongi Hills Toho Cinema кинотеатрида саккизюзта VIP меҳмон иштирокида, юқори даражада бўлиб ўтди. У, шунингдек, “Тhe Scam” фильмида Хён Су Кан (кичик инвестор) ролини ўйнади. “Тhe Scam” 2009 йил 12 февралда чиқарилди. Шундан сўнг у Ким Шин ролини ижро этиш учун “Тhe Slingshot” драмасига таклиф қилинди, бу драма 2009 йил 6 апрелда KBS2да намойиш этила бошлади.
Пак Японияда бир нечта япон тилидаги альбом чиқарди ва бир нечта муваффақиятли концертлар берди. У тўрт йил кетма-кет (2005-2008) “Япон олтин диск” мукофотини олган биринчи кореялик хонанда бўлди, шунингдек, 2007-2008 йилларда кетма-кет “Йилнинг энг яхши сингли” ва “Энг яхши Осиё артисти” мукофотларини олди. 2006 йилда у Гаваяда яккахон концерт берган биринчи кореялик хонанда бўлди.
Ўлимидан олдин охирги дақиқаларини отаси билан ўтказди
Жанубий Корея матбуоти хабар беришича, Пак Ён Ха 62 ёшли отасига ғамхўрлик қилган ва охирги дақиқаларни айнан у билан ўтказган. Ўлимидан олдин у саратоннинг охирги даражаси билан курашаётган отасига: “Сизнинг ўрнингизга мен касал бўлсам бўлмасмиди” деган.
Марҳумнинг танишлари ҳам унинг ишдаги қийинчиликлар ва оғир ҳаётидан шикоят қилганини эслаб қолишган. У депрессиядан азият чеккани маълум эмас. Бироқ полиция унинг ўлимини шубҳали деб ҳисобламаган.
Хонанда ўз уйида ўлик ҳолда топилган, у электр симига ўзини осган. Унинг жасадини онаси топган. Марҳум 33 ёшда эди. Яқин вақтда хонанда Японияда концертлар бериши керак эди, уларга чипталар аллақачон сотилиб бўлганди.
2011 йил 10 мартда унинг онаси томонидан ёзилган “Менинг ўғлим, ҳақиқий Пак Ён Ха” номли хотиралар китоби чоп этилди. Унда Пак Ён Ханинг ҳаётидан лавҳалар, бошланғич мактабда биринчи муҳаббатидан кечирган қайғуси, 1994 йилда биринчи марта рол ўйнаган “Тематик театр” драмаси эпизодлари акс этган. Шунингдек, унда Пе Ён Жун билан бўлган ҳеч қаерда айтилмаган ҳикоялар, нашр этилмаган расмлар ва оммавий ахборот воситаларида эълон қилинмаган сўнгги интервью мавжуд.
Изоҳ (0)