“Tottenhem” sardori Son Xyon Min klublar o‘rtasida o‘tkaziladigan musobaqalardagi ilk sovrinini qo‘lga kiritdi. Koreyalik futbolchi final bahsidan so‘ng intervyu berib, o‘yin haqida o‘z fikrlari bilan o‘rtoqlashdi.
Jamoadoshlarimga nima deyishni bilmayman. Oddiy “rahmat” bu holatda kamlik qiladi. “Tottenhem”dagi 10 yilligimda bu eng og‘ir mavsum bo‘ldi. Ammo yosh futbolchilarning birlashib, umumiy maqsad yo‘lida harakat qilganini ko‘rib, hayratda qoldim.
Men mukammal sardor emasman, ular bunga qaramay taslim bo‘lishmadi, oxirigacha xarakter ko‘rsatishdi. Bu menga yanada ko‘proq motivatsiyasini berdi. Yana bir gap aytaymi? Men afsonaman. Sababi klub 17 yil davomida sovrin yutmadi. Shunday ekan, nega meni afsona demasligingiz kerak, deydi futbolchi.
Ma‘lumot uchun, “Tottenhem” Yevropa Ligasi finalida “Manchester Yunayted”ni 1:0 hisobida mag‘lub etdi. Bilbao shahrida o‘tgan bahs taqdirini Brennan Jonsonning yagona goli hal qildi.
“Shporlar” oxirgi marta 2008-yil Angliya Kubogi doirasidagi bahsda g‘alaba qozongan edi. Shundan keyin 17 yil davomida hech qanday sovrin yutishmadi.
Shuningdek, mazkur g‘alaba “Tottenhem”ga keyingi mavsum Chempionlar Ligasida ishtirok etish imkonini beradi.
Izoh (0)