Жанубий Корея терма жамоаси бош мураббийи Ули Штелике ЖЧ–2018 туринига саралашнинг 3-босқичи доирасидаги сентябрь ойидаги ўйинларга таркибни эълон қилди. Германиялик 61 ёшли мутахассис Хитой ва Сурия билан ўйинларга 21 футболчини чақирди, деб хабар бермоқда Ўзбекистон футбол федерацияси матбуот хизмати.
ЖЧ–2018 турнирига саралашнинг 3-босқичида Ўзбекистон билан «А» гуруҳидан ўрин олган Жанубий Корея терма жамоаси ушбу босқичдаги иштирокини 1 сентябрь куни Хитойга қарши ўйин билан бошлайди. Беш кун ўтиб, 6 сентябрь куни эса Сурияга қарши ўйин ўтказади.
Ушбу ўйинлар учун чақирилган футболчилардан 5 нафари Бразилияда бўлиб ўтган Олимпиадада Жанубий Корея олимпия терма жамоаси шарафини ҳимоя қилиб, чорак финалгача етиб борди. Чорак финалда кореяликлар Гондурас олимпия терма жамоасига 0:1 ҳисобида мағлуб бўлди. Олимпиадада иштирок этган ва миллий терма жамоага жалб этилган футболчилар – «Ред Булл» аъзоси Хвон Хи Чан, «Тоттенҳэм» ҳужумчиси Сон Хён Мин, «Трабзонспор» форварди Сок Хён Жун, «Гуанжоу» ҳимоячиси Жан Хен Су ва «Сувон» ярим ҳимоячиси Квон Чанг Хун.
Қуйида Жанубий Корея терма жамоасининг Жаҳон чемпионати саралашининг якуний босқичи учун эълон қилган таркибини келтириб ўтилган.
Дарвозабонлар: Ким Жин Хён («Сересо Осака»), Чон Сон Рён («Кавасаки Фронтейл»), Ким Син Гю («Виссел Кобе»);
Ҳимоячилар: Ким Ки Хи («Шанхай Шенхуа»), Ким Ён Гвон («Гуанжоу Эвергранд»), Хон Жон Хо («Жиангсу Сунинг»), Жанг Хюн Су («Гуанжоу Фули»), Ли Ёнг («Санжу Санму»), О Же Сок («Гамба Осака»), Ким Мин Хёк («Саган Тосу»);
Ярим ҳимоячилар: Хан Кук Ёнг («Ал-Гарафа»), Ки Сун Ён («Суонси Сити»), Жунг Ву Ёнг («Чунсин Лифан»), Ли Чун Ёнг («Кристал Пэлас»), Квон Чанг Ёнг («Сувон»), Ку Жа Чол («Аугсбург»), Сон Хён Мин («Тоттенҳэм»), Ли Жай Сунг («Жонбук Хюндай»), Жи Донг Вон («Аугсбург»);
Ҳужумчилар: Хвон Хи Чан («Ред Булл Зальцбург»), Сок Хён Жун («Трабзонспор»).
Изоҳ (0)