Бугун 23 июнь санасида футбол бўйича Россия майдонларида бўлиб ўтаётган Жаҳон Чемпионатининг 2-тур ўйинлари давом эттирилмоқда.
Бугуннинг ўзида «F» гуруҳининг 4 та жамоаси 2-тур ўйинида майдонга тушиши белгиланган эди.
Жумладан, 1-турда Германияни ютиб сенсация қилган Мексика, Осиё қитъаси вакили Жанубий Кореяга қарши майдонга тушган беллашув якунига етди.
Учрашувда ҳисоб 26-дақиқада Мексика термаси ҳужумчиси Карлос Вела томонидан очилди. Биринчи бўлим шу тарзда якунланди.
Иккинчи бўлимнинг 66-дақиқасида Ирвинг Лозанонинг узатмасини Хавьер Эрнандес «Чичарито» корейслар дарвозасига жойлаб қўйди. Ҳакам томонидан қўшиб берилган дақиқаларда «Тоттенҳэм» етакчиси Сон Хён Мин узоқдан Гильермо Очоа дарвозасини ўққа тутиб, ҳисобни қисқартиришга эришди. Ўйин эса 2:1 ҳисобида мексикаликлар фойдасига ҳал бўлди.
Бу ғалабадан сўнг Мексика «F» гуруҳида 6 очко жамғариб пешқадам бўлиб турибди.
Гуруҳнинг иккинчи учрашуви бугун, 23:00 да Германия ҳамда Швеция термалари ўртасида кечади.
«Дарё» мазкур ўйиндан ҳам матнли онлайн трансляцияни амалга оширди.
Жаҳон Чемпионати
«F» гуруҳи, 2-тур беллашуви
23 июнь, шанба
Жанубий Корея—Мексика 1:2
Голлар: 0:1 – 26, пенальти Вела, 0:2 – 66 Чичарито, 1:2 – 90 Сон Хён Мин.Жанубий Корея: Чжо Хен У, Ким Ен Гвон, Чжан Хен Су, Ли Ен, Мун Сон Мин (Чжон У Ен, 77), Ким Мин У (Хон Чхол, 84), Ки Сон Ен, Чжу Се Чжон (Ли Син У, 64), Ли Чже Сон, Хван Хи Чхан, Сон Хён Мин.
Мексика: Очоа, Морено, Салседо, Алварес, Лайюн, Эррера, Гальярдо, Вела (дос Сантос, 77), Гуардадо (Маркес, 68), Лозано (Корона, 71), Чичарито.
Огоҳлантиришлар: Ким Ен Гвон (58), Ли Ен (63), Ли Син У (72), Чжон У Ен (80).
Изоҳ (0)