Жанубий Кореянинг «Тоттенҳэм»да тўп сурадиган аъзоси Сон Хён Мин Ўзбекистон шаънига илиқ фикр билдирди

15 ноябрь куни Ўзбекистонга қарши бўлиб ўтадиган ЖЧ—2018 саралаши доирасидаги ўйин олдидан Жанубий Корея термаси аъзолари ахборот агентликларига интервью берди. Бу ҳақда «Championat.asia» нашри маълумот тақдим этди.

«Ўзбекистон яхши жамоа бўлгани учун ҳам турнир жадвалида иккинчи поғонада бормоқда. Унга қарши ўйин қанчалик муҳим эканини барчамиз тушуниб турибмиз. У қийин бўлади. Шунинг учун ҳам беллашувга жиддий тайёргарлик кўрамиз», — деб «Тоттенҳэм» вакили Сон Хён Миннинг сўзларидан иқтибос келтирган Reuters ахборот агентлиги.

Bon Yonhap агентлиги эса Германиянинг «Аугсбург» клубида тўп сурадиган Жин Донг Воннинг сўзларини келтириб ўтди:

«Эронга мағлуб бўлганимиздан кейин кўп афсусландим. Ўзбекистон билан ўйиндан кейин бундай бўлмаслигини истайман. Биз Эронга қанотлардан ҳужум қила олмадик. Ўзбекистон билан ўйинда эса айнан қанотлардан уюштириладиган ҳужумлар фойда келтиради, деб ўйлайман. Чунки бизда қобилятли ҳужумчилар етарли».

Жанубий Корея ва Ўзбекистон термалари иштирокидаги ўйин 15 ноябрь куни Сеул шаҳрида бўлиб ўтади.