Душанба, 27 январь куни Португалия терма жамоаси ҳужумчиси Криштиану Роналду севгилиси Жоржина Родригеснинг туғилган кунини нишонлади. У 31 ёшга тўлди.
“Ан-Насср” ҳужумчиси Instagram саҳифасида пост жойлаб, фарзандларининг онасини табриклади:
“Она, дўст, севгилим, менинг рафиқам. Туғилган кунинг билан, азизам.
Сенинг нуринг бизни ёритади, севгинг эса бизни илҳомлантиради”, деб ёзди Криштиану.
Жоржинага ушбу постдан ташқари, юрак шаклида терилган улкан атиргул гулдастаси ва устида “туғилган кунинг билан, Жоржина” деб ёзилган торт совға қилинди.
Жуфтлик 2016 йилдан бери учрашиб келади. Кўпчилик улар яширинча турмуш қурганига ишонади.
Аввалроқ жуфтлик Дубайдан 25 миллион еврога ер сотиб олгани хабар қилинганди. Жоржина ва Роналду 5 фарзандни тарбия қилиб келмоқда.
Изоҳ (0)