“Украинадаги урушда Марказий Осиёдан 20 минг киши қатнашмоқда” — Бастрикин

Украинага қарши урушда Россия фуқаролигини олган 20 минг нафар Марказий Осиё фуқароси иштирок этмоқда. Бу ҳақда Россия Тергов қўмитаси раиси Александр Бастрикин маълум қилди.

Унинг сўзларига кўра, бу рейдларда қўлга олинган фуқароликка қабул қилинган россияликларнинг умумий сонининг чорак қисмидир.

Ҳарбий тергов бошқармамиз рейдлар ўтказмоқда. Биз аллақачон 80 минг нафар шундай Россия фуқаросини қўлга олдикки, улар фронтга бориш у ёқда турсин, ҳарбий комиссариатга (“военкомат”) боришни ҳам истамайди. Биз 80 минг кишини ушладик, ҳарбий рўйхатга олдик ва аллақачон Ўзбекистон, Тожикистон, Қирғизистонда яшашни ёқтирмайдиган 20 минг “ёш” Россия фуқаролари (урушда) олдинги сафда, деди Бастрикин.

Россия фуқаролигини олган муҳожирлар орасида рейдлар

Украинада уруш бошланганидан кейин Россияда мунтазам равишда фуқаролик олган эркакларни қидириш бўйича рейдлар ўтказилмоқда.

Уларга чақирув қоғозлари топширилиб, ҳарбий комиссариатларга мажбуран олиб кетилади. Баъзида эркакларни Россия фуқаролигидан маҳрум қилиш ва ўз мамлакатига чиқариб юбориш билан таҳдид қилиб, Мудофаа вазирлиги билан шартнома имзолашга мажбур қилишади.

2024 йил Бастрикин хавфсизлик кучлари Россия фуқаролигини олган, аммо ҳарбий рўйхатга олинмаган 30 мингдан ортиқ муҳожирни “тутиб олганини” айтган эди. Уларнинг 10 мингга яқини фронт орти бўлинмаларига — “окоплар қазиш ва истеҳкомлар қуриш” — учун юборилган.

Украина армиясига қарши уришаётган ўзбекистонликлар сони 1000 дан ошди

Камида 1110 нафар Ўзбекистон фуқароси Россия Қуролли Кучлари билан шартнома тузган. Бу рўйхат тўлиқ эмас. Сабаби этник ўзбекларни ҳисобга олса, уларнинг умумий сони бир неча мингга етиши мумкин. 

Россия армияси билан шартнома тузганлар орасида камида 109 киши ҳалок бўлган. Уларнинг орасида энг ёши 21 ёшга тўлмаган, энг каттаси эса 62 ёшда. Ҳалок бўлганлардан бири шартнома имзолаганидан кейин 8 кун ҳам яшамаган. 

Россия армиясига ўзбекларни ёллаш тарихи тожиклар билан жуда ўхшаш: Ўзбекистондан келаётган муҳожирлар оқими камайиши ҳақида гап ҳам бўлиши мумкин эмас, Россия давлати эса улардан “тўп гўшти” сифатида фойдаланишдан мамнун. Марказий Осиёдан келганлар қамоқ ва депортация таҳдидлари билан урушга ёлланмоқда, дейди Украинанинг “Яшашни истайман” лойиҳаси.

Россия армиясига қўшилиш эвазига таклиф этилаётган пул ва ҳарбий тарғибот аскар ёллаш суръатини ойига 30-40 минг кишига оширди.