Россияда 81 нафар аёлни ўлдирган, «ангарлик маньяк» номи билан танилган Михаил Попков Украинадаги уруш зонасига бормоқчилигини айтди. Бу ҳақда «Ura.ru» хабар берди.
У «Вести Иркутск» газетасига ёзган шарҳида «армияга боришни орзу қилишини» айтган. Шу билан бирга, Попков қишда совуқда урушга боришни хоҳламаслигини билдирган.
«Орзум — армияга бориш. Бунга шубҳа қилмаслигим мумкин, чунки амалга ошиши имкони бор. Лекин ҳеч ким менга урушга ёлланиш бўйича таклиф бермади. Камида 10 йилдан бери қамоқдаман, урушда қатнашиш учун керакли бўлган кўникмаларни тез ўрганиш унчалик қийин бўлмайди. Агар менда шундай истак бор десам, бу самимий эшитилмайди. Сабаби бу компьютер ўйинчоғи ёки бадиий китоб эмас. Агар реал қарайдиган бўлсам, январь—февраль ойлари ўтишини кутиш керак. Мен совуқ ҳавони ёмон кўраман», — дейди у.
Михаил Попков 81 нафар аёлни ўлдирганликда айбланган. «Ангарск маньяки» номи унга Иркутск вилоятининг Ангарск шаҳрида содир этган жиноятлари сабабли берилган. Унинг қурбонлари 17 ёшдан 38 ёшгача бўлган аёллар эди. 2015 йил январь ойида 22 та қотиллик ва иккита аёлни ўлдиришга суиқасд содир этгани учун Попков Иркутск вилоят суди томонидан умрбод қамоқ жазосига ҳукм қилинган.
Мавзуга доир:
Изоҳ (0)