Эркин агент ҳисобланган испаниялик ҳимоячи Серхио Рамос фаолиятини Туриннинг “Ювентус” клубида давом эттириши мумкин.
Tuttosport маълумотларига кўра, “Ювентус” жароҳат сабабли узоқ муддатга сафдан чиққан бразилиялик Глейсон Бремерга ўринбосар изламоқда.
Клуб раҳбарияти “Реал” клубининг собиқ сардори ҳозирги вазиятда Тиаго Мотта жамоасини кучайтиришга қодир, деб ҳисобламоқда.
Маълумот учун, 38 ёшли Рамос 2023 йилнинг ёзида эркин агент сифатида “Севилья”га қайтган эди. Ўтган мавсумда ҳимоячи андалусияликлар сафида барча турнирларда 37 та ўйин ўтказиб, 7 та гол ва битта голли узатмани амалга оширган. Ёзги мавсум оралиғида футболчининг жамоа билан шартномаси тугади. Transfermarkt интернет порталига кўра футболчининг тахминий нархи 2,5 миллион еврони ташкил қилади.
Аввалроқ Испания терма жамоасининг собиқ футболчиси Мадриднинг “Реал” ва “ПСЖ” клубларида ҳам тўп сурган.
Изоҳ (0)