Ўзбекистон ОТЖ билан биргаликда Париж Олимпиадасида иштирок этган Аббосбек Файзуллаев “ЦСКА” машғулотларига бориб қўшилди. Футболчи рус журналистлари билан Олимпиада таассуротларини ўртоқлашди. Футболчи Париждаги шароитлар маъқул келмаганини айтди.
“Олимпия ўйинлари биз учун яхши тажриба бўлди. Шароитлар? Менга унчалик маъқул келмади”.
Ўзбекистон Олимпия жамоаси Испания (2:1) ва Миср (1:0) терма жамоаларига мағлуб бўлди ҳамда Доминикан Республикаси билан (1:1) дуранг ўйнади. Жамоа C гуруҳида 4-ўринни эгаллади.
Россия Премьер Лигасининг 2023/2024 йилги мавсумида 20 ёшли Аббосбек Файзуллаев 22 та ўйин ўтказиб, 4 та гол урди ва 7 та голли узатмани амалга оширди. Шунингдек, у Россия кубогида 10 ўйинда иштирок этиб битта гол ва иккита голли узатмага эга.
Ёш футболчининг “ЦСКА” билан амалдаги шартномаси 2026 йилнинг ёзига қадар тузилган ва уни яна 12 ойга узайтириш имконияти мавжуд. Нуфузли Transfermarkt интернет портали ўзбекистонлик ярим ҳимоячининг бозор қийматини 6 миллион еврога баҳоламоқда.
Изоҳ (0)