Лондоннинг “Челси” клуби “Атлетико”нинг 20 ёшли ҳужумчиси Самуэл Омородио трансфери бўйича учта таклиф юборди. Бу ҳақда журналист ва инсайдер Маттео Moрeтто хабар бермоқда.
Манбага кўра, Лондон клуби испаниялик ҳужумчини трансфер қилиш учун Мадриднинг “Атлетико”сига уч бора мурожаат қилган. “Аристократлар”нинг сўнгги таклифи 50 миллион еврога етган, бироқ испан клуби футболчини сотишдан бош тортди.
Маълумотларга кўра, Мадриднинг “Атлетико” клуби Омородионни кейинги мавсумда сақлаб қилиш ниятида. Аввалроқ ОАВда Испания клуби ёзда футболчи учун 80 миллион евро таклиф қилинса, трансферга рози бўлиши ҳақида хабарлар тарқалган эди.
Ҳужумчи “Гранада” тарбияланувчиси ҳисобланади. Ла Лиганинг биринчи турида “Атлетико” дарвозасига гол ургач, футболчи Мадрид клубига ўтди ва “Алавес” клубига ижарага берилди.
Умумий олганда, ўтган мавсумда испаниялик футболчи барча турнирларни қўшиб ҳисоблаганда 36 та ўйинда майдонга тушиб, 9 та гол урди ва битта голли узатмани амалга оширди. Transfermarkt интернет порталига кўра футболчининг тахминий нархи 35 миллион еврони ташкил қилади.
Изоҳ (0)