АҚШда 1794 йилда ишлаб чиқарилган кумуш доллар сотувга қўйилди, у дунёдаги энг қиммат танга ҳисобланади. 2013 йилда у 10 миллион долларга сотилган эди ва у ушбу рекордни янгилаши мумкин, деб хабар беради CNN.
Биринчи зарб қилинган долларга Озодликнинг қадимги Рим илоҳаси услубидаги тасвири туширилган. Орқа томонида эса оқбош бургут — АҚШ гералдик рамзи мавжуд.
«Ушбу орзу тангаси — бебаҳо артефакт бўлиб, у билан фахрланаман ва ундан айрилаётганимдан афсусдаман. Танганинг янги эгаси уни худди мендек қадрлашига умид қиламан», — дейди танга эгаси Брюс Морелан.
Таъкидланишича, бу каби тангалардан жами 1758 дона чиқарилган бўлиб, ҳозирга қадар 130 га яқини етиб келган. Улар, асосан, Конгресс аъзолари ва АҚШнинг фахрий фуқаролари учун мўлжалланган.
Эслатиб ўтамиз, 2016 йилда АҚШда 1879 йили зарб этилган 4 доллар номиналидаги ноёб тилла танга Bonhams аукцион уйи томонидан Лос-Анжелесда сотувга қўйилган эди.
Изоҳ (0)