Janubiy afrikalik rassom Marlen Dyumaning asari auksionda 13,6 million dollarga sotildi. Bu voqea hozirda hayot bo‘lgan ayol rassomlar orasida yangi narx rekordini o‘rnatdi, deb yozadi CNN.
“Miss January” (“Yanvar xonimi”) asari Christieʼs auksion uyi tomonidan sotuvga qo‘yilgan edi. Uning o‘lchamlari 9,25 fut (2,82 metr) balandlikda. Christieʼs XXI asr sanʼati sotish bo‘limi rahbari Izabella Lauria, o‘tkazilgan auksiondan va erishilgan “aql bovar qilmaydigan” narxdan mamnun: “Biz bu savdo natijalaridan juda xursandmiz”. Dastlab auksion uyi asarning narxi 12 dan 18 million dollar oralig‘ida bo‘lishini kutgan edi.
1997-yilda yaratilgan “Yanvar xonimi” asari Dyumaning 30-yil oldin, o‘n yoshida yaratgan “Miss World” (“Dunyo xonimi”) asarining o‘ziga xos qayta talqini bo‘lib, unda bir nechta modelning shakllari tasvirlangan. Hozirda Marlen Dyuma dunyodagi eng nufuzli rassomlardan biri deb tan olingan.
Izoh (0)