The Rock номи билан танилган 228.31 қиротлик оқ олмос май ойида Женевадаги Christie’s аукционига қўйилади. Унинг баҳоси 20 ва 30 млн доллар оралиғида.
Американинг Гемология институти (GIА) томонидан ранги G ва софлиги VS1 даражада, яъни ҳеч бир қўшимчасиз шаффоф деб топилган ушбу тош GIА томонидан баҳоланган ноксимон шаклдаги мавжуд оқ олмосларнинг энг йириги ҳисобланади.
Шунингдек, Christie’s’нинг маълум қилишича, у аукцион тарихида ҳам энг йирик оқ олмос бўлади.
The Rock 1766 йилдан бери Christie’s’нинг бутун дунё дўконларида сотувга қўйилган афсонавий қимматбаҳо тошлар сирасига қўшилади.
Олмос бозори жонланган, биз эса ушбу қимматбаҳо тошнинг баҳор мавсумида жаҳоннинг йирик коллексионерлари эътиборига тушишига ишонамиз, — дейди Christie’s халқаро зеб-зийнатлар бўлими бошлиғи Рахул Кадакия.
Мазкур олмос 11 майгача Женевада тақинчоқлар савдоси бўйича аукцион уйининг асосий зийнатига айланади.
Ҳозирги кунгача оммага маълум қилиниб сотилган энг йирик оқ олмос оғирлиги 163,41 қиротни ташкил қилади. У 2017 йилнинг ноябрь ойида Женевадаги Christie’s аукционида 33,7 млн долларга сотилган эди.
Аукционда сотилган энг қиммат олмос, жумладан оқ ва рангли олмослар, оғирлиги 59,6 қирот бўлган «Пушти атиргул» ҳисобланади.
Овал шаклидаги пушти рангли қимматбаҳо тош 2017 йилнинг апрель ойида Гонконгдаги Sotheby’s аукционида 71,2 млн долларга сотилган.
Изоҳ (0)