Швейцариядаги Art Basel ярмаркасида рассом Луиза Буржуанинг машҳур «Ўргимчак» (1996) асари 40 миллион долларга сотилди, деб ёзади The Symbol.
Эндиликда «Ўргимчак» Art Basel ҳамда Буржуанинг, шунингдек, аёл киши томонидан яратилган дунёдаги энг қиммат санъат асарларидан бири ҳисобланади. Мутлақ рекорд ҳозирча Жоржия O’Киффега тегишли, 2014 йилда Sotheby’s аукционида Jimson Weed / White Flower картинаси учун 44,4 миллион доллар беришган.
«Ўргимчак» — Буржуанинг энг машҳур асарларидан бири. Ҳайкалнинг турли хил вариантлари дунёнинг етакчи музейларида, жумладан, Бильбаодаги Гуггенхайм ва Москвадаги «Гараж» музейида намойиш этилган. Рассомнинг ўтган аукцион рекорди ҳам бронза «Ўргимчак» бўлиб, 2019 йилда Christie’s’да улардан бири 32 миллион долларга сотилган.
Изоҳ (0)