Андижон вилоятининг Асака тумани “Навоий” МФЙ ҳудудидан ўтган А-373 халқаро аҳамиятга эга автомобиль йўлида 19 март куни соат 22:00 ларда “Зил-130” юк машинаси ёниб кетди. Бу ҳақда вилоят ИИБ ЖХХ ЙҲХБ ахборот хизмати хабар берди.
Маълум қилинишича, 1994 йилда туғилган ҳайдовчи У.Ш. бошқарувида бўлган “Зил-130” юк машинасини бошқариб кетаётган вақтида, транспорт воситасининг электр симларидан чиққан қисқа туташуви натижасида ёнғин келиб чиққан.
Ушбу ёнғин ФВБ Олтинкўл туман бўлими ходимлари томонидан бартараф этилган. Ҳодиса оқибатида жабрланганлар мавжуд эмас.
Мазкур ҳолат юзасидан ҳозирда терговга қадар текширув ҳаракатлари Асака тумани ФВБ томонидан олиб борилмоқда.
- 11 март куни Тошкент вилояти Ангрен шаҳрида юк ташувчи машина ёниб кетганди.
- 10 март куни Қашқадарё вилояти Касби туманидаги ёнилғи қуйиш шохобчасида иккита цистерна ёниб кетди.
- 14 март куни Нукусда пропан олиб кетаётган юк машинаси ағдарилиб кетганди.
Изоҳ (0)