Тошкент вилоятининг Қибрай тумани, “Дўрмон” МФЙ, Маърифат кўчасида жойлашган уйларда 24 март куни соат 18:26 да ёнғин содир бўлди. Бу ҳақда ФВВ матбуот хизмати хабар берди.
Шунга кўра, ёнғин-қутқарувчилар соат 18:28 да ҳодиса жойига етиб бориб, ёнғин 19:33 да ўраб олинган ва соат 20:10 да тўлиқ бартараф этилган.
Ёнғин натижасида бир бирига туташ қурилган 3 та хонадоннинг тахминан 415 кв метр майдонда томи, шифти ва уй-жиҳозлари ёниб зарарланган.
Ҳодиса оқибатида тан-жароҳати олган ва ҳалок бўлганлар тўғрисида хабар келиб тушмаган.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Ёнғинни бартараф этишга 9 та ёнғин-қутқарув экипажи ва 2 та ёрдамчи сув ташишга мўлжалланган техника жалб этилган.
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)