Мадриднинг “Реал” клуби бразилиялик ҳужумчи Винисиус Жуниор билан шартномани узайтиради. Бу ҳақда ЭСПН нашри хабар бермоқда.
Манбага кўра, Винисиус мадридликлар билан янги битим борасида келишувга эришган ва шартнома 2030 йилнинг ёзигача мўлжалланади.
Шуниндек, футболчи йилига 20 миллион евро маош олади, бонуслар билан бу рақам 30 миллион еврогача кўтарилиши мумкинлиги айтилмоқда.
Аввалроқ ОАВда бразилияликка Саудия Арабистонидан катта таклифлар борлиги хабар қилинган эди. Риёднинг “Ал-Ҳилол” клуби футболчи учун 1 миллиард евро сарфлашга тайёр эканини билдирганди
Эслатиб ўтамиз, Винисиус жорий мавсум Ла Лига доирасидаги 29 та учрашувда майдонга тушиб, ўз ҳисобига 11 та гол ҳамда 7 та голли узатма ёздириб қўйган. Унинг амалдаги шартномаси 2027 йилнинг июнь ойида якунланади. Transfermarkt портали футболчининг қийматини 200 миллион еврога баҳоламоқда.
Изоҳ (0)