Футбол бўйича Испания ҳамда Бразилия терма жамоалари ўртоқлик ўйинида 26 март, сешанба куни баҳс олиб борди. Мадридда ўтган учрашув жанговар дуранг билан якунланди.
Испаниялик ёш вингер Ямал Испания терма жамоасининг асосий таркибида майдонга тушди ва ҳар учала голли вазиятда иштирок этди. Иккинчи бўлимнинг қўшиб берилган вақтида ўзгартирилган футболчини мухлислар олқишлар билан кузатиб қўйди.
Эслатиб ўтамиз, 12-дақиқада “Барселона” футболчиси жамоаси учун пенальти ишлаб олди. Бразилия дарвозасига белгиланган пенальтини ярим ҳимоячи Родриго Эрнандес голга айлантирди. 36-дақиқада испанлар иккинчи голни уришди. Гол муаллифи Олмога Ямал ҳаммуаллифлик қилди. Учрашувнинг 87-дақиқасида Испания яна пенальтини голга айлантирди. Бу сафар бразилияликлар Карвахалга нисбатан қўполлик қилди. Унга эса тўпни Ламин Ямал оширган эди. Меҳмонлар сафида Родриго, Эндрик ва Пакета жавоб тўпларини йўллашди.
Шу тариқа “Барселона” футболчиси “Реал Мадрид”нинг уй майдони бўлмиш “Сантяго Бернабеу” стадионида олқишлар олди.
Жорий мавсумда испаниялик футболчи “Барселона” сафида барча мусобақаларда 39 та ўйин ўтказиб, 6 та гол ва 7 та голли узатмага муаллифлик қилган. Transfermarkt интернет порталига кўра, Ямалнинг бозор қиймати 75 миллион еврони ташкил қилади.
Ўртоқлик учрашуви
26 март, сешанба
Испания — Бразилия 3:3
Голлар: 1:0 — 12 Родри, 2:0 — Олмо, 2:1 — 40 Родриго, 2:2 — 50 Эндрик, 3:2 — 87 Родри, 3:3 — 90 Пакета.
Испания: Унаи Симон, Карвахаль, Лапорт, Ле Норман (Кубарси, 81), Кукуреля, Фабиан Руис, Родри, Олмо, Уильямс (Сансет, 89), Ямал (Навас, 90+2), Мората (Ойарсабаль, 81).
Бразилия: Бенто, Данило (Ян Коуто, 46), Фабрисио Бруно, Лукас Бералдо, Венделл, Лукас Пакета, Бруно Гимараэс (Андре, 46), Гомес (Перейра, 46), Рафинья (Эндрик, 46), Винисиус Жуниор (Дуглас Луис, 71), Родриго (Галено, 82).
Огоҳлантиришлар: Ле Норман (34), Лапорт (42), Гимараэс (42), Фабрисио Бруно (50), Карвахаль (51), Лукас Пакета (58), Эндрик (78), Перейра (85), Бералдо (90+3).
Изоҳ (0)