Ўзбекистон ва Россия мудофаа вазирларининг учрашуви бўлиб ўтди, деб хабар бермоқда Мудофаа вазирлиги.
Маълум қилинишича, Ўзбекистон мудофаа вазири генерал майор Шуҳрат Холмуҳамедов Москва шаҳрига қилган амалий ташрифи давомида Россия Федерацияси мудофаа вазири Андрей Белоусов билан учрашди.
Учрашувда мудофаа вазирлари Ўзбекистон ва Россия ўртасида кўплаб соҳаларда олиб борилаётган ҳамкорлик икки мамлакат ўртасидаги алоқаларни янада мустаҳкамлашга хизмат қилаётганини таъкидлади.
Учрашув якунида Ўзбекистон ва Россия мудофаа вазирлари 2026—2030 йилларга мўлжалланган ҳарбий ҳамкорлик режасини имзолади.
Ташқи ишлар вазири ўринбосари Б.Усмонов 2 май куни Россиянинг Ўзбекистондаги элчиси О.Малгинов билан учрашув ўтказган эди.
Музокаралар чоғида Ўзбекистон-Россия ҳамкорлигининг устувор йўналишлари юзасидан атрофлича фикр алмашилди. Томонлар кун тартибининг долзарб масалаларини муҳокама қилдилар ҳамда икки ва кўп томонлама ҳамкорлик доирасида олий ва юқори даражадаги бўлажак тадбирлар жадвалини келишиб олди.
Томонлар Ўзбекистон ва Россия ўртасидаги консуллик-ҳуқуқий масалалар бўйича ҳамкорлик юқори даражада эканини таъкидлади: ҳар йили консуллик масалалари юзасидан маслаҳатлашувлар ўтказилмоқда.
Изоҳ (1)
Maqolaga yaxshi baho berish noo‘rin menimcha, nima uchun bu ikki davlat o‘rtasida harbiy kelishuv imzolandi, u qildi, bu qildi bizga quruq gaplardan nima foyda jurnalist sifatida chuqurroq yondashing va aynan nima haqida kelishdi o‘zbekiston yoki o‘zbek xalqi uchun qanday yaxshi, yomon tomonlari bor biz bu davlat fuqarosi sifatida bilishimiz kerak va to‘la darajada haqlimiz