“Ренессанс” болалар оромгоҳида маҳорат дарслари ташкил этилди. Бу ҳақда президент ёрдамчиси Саида Мирзиёева хабар берди.
Саида Мирзиёеванинг қайд этишича, болалар учун миллий контент яратиш аввало ёш ижодкорларни қўллаб-қувватлашдан бошланади. Чунки миллий контент ишлаб чиқарадиган, халқнинг руҳи ва қадриятларини ҳис этадиган янги авлодни тарбиялаш соҳа келажаги учун жуда муҳим.
Яқинда “Ренессанс” болалар оромгоҳида ташкил этилган ижодий мулоқот ва маҳорат дарслари ёш истеъдодлар ҳамда соҳа мутахассислари ўртасида ижодий кўприк вазифасини ўтади. Профессионаллар ўз тажриба ва билимлари билан ўртоқлашди, ёшлар эса креатив ғоя ва лойиҳаларини тақдим этди.
Бундай самарали ва илҳомлантирувчи лойиҳаларни мамлакатнинг турли ҳудудларида мунтазам ўтказиб бориш зарурлиги таъкидланган.
Чунки юртимизда ҳақиқий истеъдодлар кўп, уларга имконият ва йўл кўрсатадиган устозлар керак, дейди президент ёрдамчиси.
Президент ёрдамчиси Саида Мирзиёева етакчи анимация студиялари вакиллари билан учрашган эди. Саида Мирзиёева соҳанинг реал ҳолати ҳамда уни ривожлантиришга доир амалий таклифларни эшитган.
Изоҳ (0)