Меркурий, Марс, Юпитер, Уран, Нептун, Сатурн ва Ой 28 август Қуёшнинг бир томонида саф тортади. Бу ҳақда Москва планетарийси хабар берди.
![](/static/2024/08/25/photo_2024-08-25_16-59-33-40_s-bp7.jpg)
Сайёраларнинг шартли паради осмонда 160 градус атрофида секторни эгаллайди. Августда Марс, Юпитер, Уран, Нептун ва Сатурн ярим тундан тонг ёришгунча кузатилади. Ой охирида эрталабки осмонда Меркурий кўрина бошлайди. 28 август куни эса уларга Ой қўшилади. Уларнинг барчаси Қуёшдан шарқроқда (ўнг томонда) жойлашган бўлади.
“28 август, чоршанба куни эрталабки осмонда Меркурий, Марс, Юпитер, Уран, Нептун, Сатурн ва Ой Қуёшнинг бир томонида тахминан 160 градусли секторда бўлади”, дейилади хабарда.
Очиқ ҳавода парадни дурбин ёки телескопсиз ҳам кузатиш мумкин бўлади. Москва планетарийси август ойидаги бу парадни шартли деб атаган.
Астрономияда сайёраларнинг "яқинлиги" учун аниқ мезон мавжуд эмас, шу сабабли "сайёралар паради" атамаси сифат хусусиятига эга, дея аниқлик киритди ташкилот.
Улар бу тушунчанинг илмий эмаслигини ва фақат астрономияни оммалаштириш мақсадида қўлланилишини таъкидлади.
Изоҳ (0)