Ролга эга бўлиш учун нафақат катта ҳажмдаги сценарийни эслаб қолиш, ишонарли қилиб йиғлаш, баъзан эса нотаниш тилни ўрганишга ҳам тўғри келади. Албатта, буларнинг барчаси муҳим, аммо яна бир нарса бор, бу янада қийинчилик билан кечади — бу озиш ёки вазн тўплаш.
Бугунги қаҳрамонларимиз образларига максимал даражада ўхшаш учун бу қадамни ташлашга журъат этган.
Рене Зеллвегер
Рене 30 ёшдан ошган эркин қиз ҳақида ҳикоя қилувчи “Брижит Жонснинг кундалиги” фильми туфайли шуҳрат қозонади. Қаҳрамоннинг зарарли одатлари етарли, озиш истаги бор, лекин севган йигити йўқ.
Суратга олиш ишларидан бир неча ой олдин Зеллвегер тез тайёрланадиган озиқ-овқат сотиб олар ва уни газланган ичимлик билан ичарди. Натижа — 14 килога семириб, эллигинчи ўлчамдаги кийим кия бошлайди.
Ҳар куни у 4000 килокалория истеъмол қилади, фильмнинг учинчи қисмига қадар спорт зали билан хайрлашади. Фақат шундагина унинг қаҳрамони сюжет бўйича керакли натижага эришади.
Рене тан олганидек, “Брижит Жонс” уни синовдан ўтказди, чунки ҳар кимнинг ҳам аввалги қоматига қайтишга кучи етмайди. Актрисага ёрдам берган асосий нарса — спорт зали эди.
Жаред Лето
“Оскар” ва “Олтин глобус” мукофотлари соҳиби, “Тhirty Seconds to Mars” гуруҳи солисти, доимо навқирон Жаред Летто аввалига “Орзу учун реквием” ва “Даллас харидорлар клуби” фильмлари учун озади, кейинчалик эса “27-боб” фильмидаги Марк Чапман номли ғалати қаҳрамони учун вазн йиғади.
Летто бу рол учун 30 килограммга семиради — бунга макарон, музқаймоқ, пицца, кола ва шоколадли батончиклар сабаб бўлади. Актёр бу жараёнга шунчалик берилиб кетадики, ҳатто шифокорлар назоратида бўлишига тўғри келади.
Шарлиз Терон
2003 йилда Шарлиз Терон бош ролни ижро этган “Махлуқ” фильми экранларга чиқади. Бу рол учун у ҳозирча ягона бўлган “Оскар” мукофотини қўлга киритади.
Шарлиз ижро этган қаҳрамон телба қотил Эйлин Уорнос эди. Бу рол учун актриса нафақат 15 килога семиради, балки қошларини ҳам қириб, сунъий жағ тақади.
14 йил ўтгач, Терон яна ўша усулга қайтади — “Талли” трагикомедиясида у роли учун 22 килограмм вазн тўплаб, кўп болали она образини яратади. Ушбу фильм устида ишлаш жараёнидан сўнг, актриса танасидаги кескин ўзгаришлар уни тушкунликка, руҳий азобларга ва уйқу бузилишига олиб келганини эътироф этади:
“Уч ҳафта давомида носоғлом овқатланганим менга қизиқарли туюлмай қолди. Овқатланиш мажбуриятим ва ишимга айланди: ҳар куни белгиланган миқдордаги калория истеъмол қилишим шарт эди. Тушкунликка тушиб қолдим. Ҳаётимда илк бор шунчалик кўп қайта ишланган маҳсулотлар ва шакар истеъмол қилдим”, дейди актриса.
Бредли Купер
Модель Ирина Шейкнинг собиқ севгилиси, қизининг отаси Бредли Купер “Вегасдаги тўй”, “Стволли йигитлар”, “Менинг йигитим — телба” “Қарағайлар остида” фильмлари юлдузи ва ўн икки карра “Оскар” мукофотига номзод 2014 йилда семириб кетади. Ўшанда у “Снайпер” фильмида Крис Кайл ролини ўйнаётганди.
Купер нафақат 18 кило вазн йиғади, балки бақувват эркакка айланади — ўшанда унинг бутун вазни мушакка айланганди.
Меттью Макконаҳи
“Олтин” фильмидаги роли учун Метью олти ой ичида 20 килограмм вазн тўплайди ва жараён унга қувонч келтиради:
“Вазн тўплаш анча қизиқарли жараён. Ярим йил давомида истаган вақтимда хоҳлаган нарсамни қила олардим. Тунда пицца ейиш? Бемалол. Нонуштага пиво билан чизбургер? Бу ҳам яхши фикр. Мен чиндан ҳам семириб кетдим ва тез орада яхшигина қорин солдим”, дейди у.
Актёрнинг сўзларига кўра, озишига шахсий шифокор тавсиясига кўра бир неча ой давомида ичган махсус чой ёрдам берган.
Аммо “Даллас харидорлар клуби”даги рол учун у аксинча, 20 килога озади, чунки унинг қаҳрамони ОИTС билан касалланган ва вазн йўқотиш касаллик синдромларидан бири эди. Актёр соғлиғига зарар етказмаслик учун ўз диетологи назорати остида озади.
Роберт Де Ниро
Мартин Скорсезенинг “Қутурган буқа” фильмидаги Жейк Ломотт (америкалик боксчи, ўрта вазн тоифасида собиқ жаҳон чемпиони) роли учун Роберт Де Ниро “Энг яхши эркак роли” номинациясида “Оскар”га сазовор бўлади. Шубҳасиз, мукофот актёрнинг саъй-ҳаракатларини оқлайди, чунки роли учун у 27 килограмм вазн тўплаганди. Бу ҳатто режиссёрни хавотирга солади — у актёрдан бунчалик кўп вазн йиғишни сўрамаганди (уни муашакдор қилиб кўрсатиш учун атиги тўққиз кило етарли эди).
Энн Хетеуэй
“Хўрланганлар” фильмида ўлаётган Фантина ролини ўйнаш учун актриса қаттиқ парҳезга ўтиради. У қийналади, лекин 11 килограмм йўқотади. Кўп ўтмай, Энн уйқу бузилиши муаммосига дуч келади, унда галлюцинациялар пайдо бўлиб, қорни оғрийди — бу кам овқатланишнинг натижаси эди. У кунига бор-йўғи икки бўлак сулили нон ер, баъзан эса редиска ва латук салатини чайнарди.
Хетеуэй шунча машаққат чеккани учун “Иккинчи пландаги энг яхши аёл” роли учун “Оскар” билан тақдирланади.
Изоҳ (0)