3 июнь куни тўртта сайёра — Венера, Марс, Юпитер ва Меркурий осмонда бир сафга тизилади. Бу ҳақда “ТАСС” хабар берди.
Тўртта сайёра бир-бирига яқин бўлган “сайёралар паради” ҳар 20 йилда бир марта содир бўлади. Москва Планетарийси расмийси Людмила Кошман бу ҳодисани кундузи Ер аҳолиси кузата олмаслигини айтмоқда.
3 июнь, душанба куни тўртта сайёра Қуёш яқинида 20-30 даражали секторда бўлади...Бу ҳар 20 йилда содир бўлади, — деди Кошман.
Шу куни эрталаб барча етти сайёра Қуёшнинг бир томонида тахминан 90 даража секторда қуйидаги тартибда жойлашади: Қуёш, Венера, Юпитер, Меркурий, Уран, кейин Марс, Нептун ва Сатурн. Мазкур сайёралардан фақат Сатурн қисқа вақт ичида кўринади. Уни қуёш чиқишидан олдин кузатиш мумкин.
Қолган сайёралар қуёшнинг ёрқин эрталабки нурларида ъэрийдиъ, шунинг учун бу кўринмас сайёралар парадидир, — дейди олим
Анъанавий сайёралар паради 20-30 даражали секторда тўртта эмас, балки беш ёки ундан кўп сайёраларни ўз ичига олади. Шунинг учун, 3 июнь кунги ноёб ҳодиса сайёраларнинг кўринмас “кичик паради”га тегишлидир.
Изоҳ (0)