Янги Зеландиянинг Крайстчерч шаҳри ва Селвин туманида кучли ёмғир туфайли кенг кўламли сув тошқини бошланганидан кейин фавқулодда ҳолат эълон қилинди. Бу ҳақда Фавқулодда вазиятлар вазири Марк Митчеллга таяниб New Zealand Herald газетаси хабар бермоқда.
“Крайстчерч ва Кентерберидаги Селвин туманида фавқулодда ҳолат эълон қилинди”, деб ёзади нашр.
Бундан ташқари, соатига 150 километр тезликда эсаётган кучли шамол мамлакат пойтахти Веллингтон шаҳрига ёпирилиб, томларга зарар етказган, дарахтларни қулатган ва йўлларни тўсиб қўйган.
“Веллингтон аэропортидаги рейслар камида кечки соат 6 гача бекор қилинди. Пойтахтда юзлаб одамлар электр таъминотидан узилди. Улкан тўлқинлар Веллингтон қирғоқларига ёпирилиб, йўлларга чиқиндиларни ташлаб, автомобиль ҳайдашни хавфли қилиб қўйди”, дейилади хабарда.
Метеорология хизмати Веллингтондаги шамол ҳақида огоҳлантиришни, ҳалокатли бўронлар ва учиб кетаётган жисмлар ҳамда қулаётган дарахтлардан ҳаёт учун хавфли бўлган камдан-кам учрайдиган қизил даражага оширган.
Изоҳ (0)