Янги Зеландияда қарийб бир ҳафтадан бери янги касалланиш ҳолатлари қайд этилмаяпти, деб хабар бермоқда «РИА Новости». Мамлакатда умумий ҳисобда 1 504 киши коронавирусга чалинган, уларнинг 21 нафари вафот этган.
Вирус аниқланиб касалхонага ётқизилган барча беморларга жавоб берилган. «Айни пайтда касалхоналарда COVID-19’га чалинган бирорта бемор йўқ», — деган соғлиқни сақлаш хизмати бош директори Эшли Блумфилд.
Янги Зеландияда касалланган яна 21 киши қолган. Мамлакатда умумий ҳисобда 1 462 киши тузалган.
Аввалроқ Янги Зеландияда коронавирус туфайли жорий этилган фавқулодда ҳолат режимини бекор қилиб, карантин чекловларининг иккинчи даражасига чиққанди. Чакана савдо дўконлари, савдо марказлари, ресторанлар, кинотеатрлар ва бошқа жамоат жойлари очилди. Кейинчалик мактаблар ва университетлар, шунингдек, барлар ҳам очилди.
Изоҳ (0)